Ku Paphidzika Kwe Buthatha Gwe ku Jiwa ne Bodutu—⁠Baibili Ikatini

Ku enda ne mbiko tshwa ya ka thangwa mu shango yose,a ku nga be nthu u ngompela mu bathu ba li 4 ba no jiwa ne bodutu.

• “Ku sa shangana ne bangwe, ku nga shingikalila nngwe ne nngwe kungwe ne kungwe.”​—Chido Mpemba, we World Health Organization’s Commission on Social Connection.

Ku leyana ne se kwa bathu be kumbula, ku jiwa ne bodutu a ku to ama bathu wola koga ngono ko ama ne ba si nga shangane ne bangwe, batshwa, ba na mamuko a ka lulwama, ba ka dwilila mu buchilo ne ba mu ndobolo. Ku sa shangana ne bangwe ne ku jiwa ne bodutu ku nga ama bathu ne zila i sa ka lulwama mu mamuko abo ne ku kumbula kwabo ne mu mazwiwo abo.

• “Ku jiwa ne bodutu a te koga mazwiwo a no gwadza,” ko leba Dr. Vivek Murthy, U.S. surgeon general. U no dwilila eti: “Ku fa kwe bathu ba sa shangane ne bangwe ko fanana ne kwe nthu u no bulawa ne ku thuta fojo dzi li 15 ne zhuba.”

Baibili Ikatini

Mbumbi wedu a to shaka kuti ti gale ti sa nga shangane ne bangwe. Mazwimisilo e Ndzimu ya ka be i li kuti bathu ba shathile ku gala ba li bose.

• Nlayonteo we Baibili: “Ndzimu bakabe beti: ‘Akuzonaka kuti nthu agale ega.”​—Genesisi 2:18.

Ndzimu u no shaka kuti ti batane naye. U no ti thembesa kuti u nowo sedzela ku tili ha naswi ti sedzela ku nli.​—Jakuba 4:8.

• Nlayonteo we Baibili: “Bakakombolegwa bashayi mu meya, ngobe bushe gwe kudzimu nge gwabo.”​—Matewu 5:3.

Ndzimu u no shaka kuti ti nnamate ne bangwe. Ha ti thama ti jalo, to gadzikana mu moyo.

• Nlayonteo we Baibili: “Ngatikumbuleni sekwa tingamusidzilana ludo ne kuyitilana bubuya, tisingaletje kushangana, . . . koga ngati kulumbidzaneni.”​—Bahebera 10:24, 25.

Ku ziba kwa ka paphidzika kuti ini ku sheteka ku dzibila ku jiwa ne bodutu, bala nsholo u noti “Bodutu mo Lefatsheng la Mafaratlhatlha a Tlhaeletsano.”