Gwisa ku Jiwa ne Bodutu ne Bokwinya​—Baibili i Nga Batsha Chini?

Ne 2023, nganga dza ka bona kuti ku jiwa ne bodutu i buthatha gu kulukulu gwa ka fanila gwisiwa. Ngono ichecho chi nga khoneka?

• Dr. Vivek Murthy, U.S. surgeon general wa ka leba kuti: “Ku jiwa ne bodutu ne ku gala u li woga ko longa bathu stress chikulukulu kwazo.” U no dwilila eti: “Ti nga khona lingisana ne buthatha igogo.” Chini? “Ne ku simisa ku wanana kwe bathu.”a

Hati to jiwa ne bodutu koga ha tili toga. Bangwe ba no jiwa ne bodutu ne nguba ba na bathu ba njinji. Ku singa kgatheleseke kuti ku jiwa ne bodutu kwedu ko thamiwa ne neni, Baibili i nga ti batsha. Ina dzi kgakololo dzi nga ti batsha kuti ti simise bukwinya gwedu, gu nga ti thusa ku gwisa ku jiwa ne bodutu.

Milayontewo ye Baibili i nga batsha

Be nthu u no ziba lebeleka. Ichecho cho dwa kuti ha u to dusa mazwiwo awo koga ngono no lecha bangwe be lebeleka ne ku ba teedza zwibuyanana. Ha u lakidza bathu kuti no ba kgathegela bukwinya gwenyu gowo sima kwazo.

• Nlayontewo we Baibili: “Mmwe ne mmwe wenyu ngaasilinge zwinonshathisa koga, koga ngaalinge ne zwinoshathisa bamwe”​—Bafilipi 2:4.

Be ne bakwinya ba ka siyasiyana. Zwimisile ku be ne bakwinya ne bathu bakulukulu kene batikinini mu kuli ba no dwa mu dzi ngwao kene mu shango dzi poga.

• Nlayontewo we Baibili: “Mutizhulile mimoyo yenyu.”​—2 Bakorinta 6:13.

Ku bona kwa ka paphidzika ne sekwa uga thama bukwinya gwa ka sima ne bangwe, bala nsholo u no ti “Go Kgotsofatsa Keletso ya Rona ya go Nna le Ditsala.”