Jesu u Nowo Pedzisa Bugebenga

Jesu u no ziba kuti ku dziyidzika ko dwiwani ku no thangwa ne bugebenga ne ku sa togwa zwibuyanana. Wa ka bigwa nlandu ne ku nyepegwa, ku logwa, ku sekesiwa, ku athugwa ku sa ka lingisana, ne ku fa lufu gu no gwadza. Nenguba a ka be a sina nlandu, wa ka zwiyesa pasi ne ku zwidusa chibayilo “ku fila bathu banjinji.” (Matewu 20:28; Johani 15:13) Se She we Bushe gwe Ndzimu u no dwa e thama mbakiso mu shango yose, e pedzisila bugebenga cha chose.—Izaya 42:3.

Baibili i no lakidza kuti shango i nowo be ya ka tini ha ko chi busa Jesu:

• “Babi banowobe basitjipo.Kene ukalingisisa pa magalo awe, unowobe asipo ipapo. Koga bana moyo nnyolo banowothuwa shango, ngono banowoshatha mu kubhudilila kwakawanda.”—Pisalema 37:10, 11.

Ti nga lakidza chini kuti to bokela cha ka thangwa na Jesu ne cha a chowo ti thamila? Zila ingwe wu ku zwidiya kwa ka paphidzika ne kwe “ndebo mbuya ye Bushe gwe Ndzimu,” i li chithu cha a ka be e diya ne kwacho. (Luka 4:43) Bala nsholo u noti “Bushe gwe Ndzimu Ini?”