Gwisa ku Jiwa ne Bodutu ne ku Thusa Bangwe​—Baibili Cha i no Leba

Bathu mu shango dzose ba no zwihwa be jiwa ne bodutu ne ku sa yendidzana ne bangwe. Baitseanape be mamuko ba no dumila kuti ku thusa bangwe i ingwe zila ye ku dusa mazwiwo iyawo.

• “Ku thusa bangwe ba no sheta, ku nga ti simisa ku dwilila ti chila, ne ku dusa mazwiwo e ku sa yendidzana ne bangwe ne ku zwishaka ti li toga.”​—U.S. National Institutes of Health.

Baibili i no ti lakidza zwa ti nga thama ku thusa bangwe. Ku thama cha i no leba ku nga ti thusa kuti ti gwise ku zwiwa ti jiwa ne bodutu.

Cha u nga thama

Be ne ku pa. Shaka chibaka cha u nga be ne bangwe. U be ne mazwimisilo e ku pa bo bangwe cha u nacho. Apa u thama u jalo, ba nowo ku shathila, ichecho chi be chi thama kuti mu be ne botsala.

• Nlayontewo we Baibili: “Ipani ndizo mowopiwabo.”​—Luka 6:38.

Shingisa masimba awo ku thusa bangwe. Shaka zila ya u nga thusa bathu ba mu zwimo zwa ka sima. Ku nga dwa ku bata bathu zwibuyanana, ku ba teedza kene ku ba thusa zwingwe zwi nga dwa zwi ba lemela.

• Nlayontewo we Baibili: “Nzwalani unoda muzwibaka zose.”​—Zwiani 17:17.

Kuti u zibe kwa ka paphidzika ne kwe kuti u nga dwilila u na botsala gwa kanaka ne bangwe chini, bala nsholo u no ti “Go Dirisana le ba Lelapa le Ditsala.”