Ini Bafakazi ba Jehova ba Singa Kitike Easter?

Mikumbulo isi iyo

Masazigwa: Bafakazi ba Jehova ha ba to kitika Easter ne kuti ha te Bakirisiti.

Malebeswa: To duma kuti Jesu Kirisiti u Nchidzi wedu, kakale to thama kose kwa tinga khona kuti ti “tobele nkwala uwe.”​—1 Pita 2:21; Luka 2:11.

Masazigwa: Ha mu to duma kuti Jesu wa ka musiwa.

Malebeswa: To duma kuti Jesu wa ka musiwa; chithu cha ti no tolela pezhugwi kwazo mu dumilo ye Bukirisiti kakale to leba ne kwacho kwazo ha ti rera.​—1 Bakorinta 15:3, 4, 12-15.

Masazigwa: Ha mu to kumbulila bana benyu ha ba singa shanganyile mu ku shathila holideyi ye Easter.

Malebeswa: To da bana bedu​—to thama chingwe ne chingwe cha ti nga khona ku diya bana bedu ne ku ba batsha kuti ba shathe.​—Tito 2:4.

Ini Bafakazi ba Jehova ba singa kitike Easter?

• Nzano we holideyi ye Easter ha u zo teiwa mu Baibili.

• Jesu wa ka ti pa ndaulo ye kuti ti kumbule lufu gugwe, isi ku musiwa kukwe. To kumbula Chikumbuludzo ichechi gole ne gole mu zhuba la a ka fa nalo ku yenda ne calendar ye Baibili ye lunar.​—Luka 22:19, 20.

• To duma kuti ku tangisa kwe dzingwao dze Easter, dzi no dwa mu mizano ya ntolo ye ku be ne bana, ko thama kuti Easter i si amuchigwe ne Ndzimu. Ndzimu u no shaka kuti ti mpe “namato ya ka pelela,” ngono ha a to shathisiwa ne namato ino shanganyila zwieto zwa a singa dumane nazo.​—Ekezodo 20:5, 1 Boshe 18:21.

To duma kuti tshwetso yedu ye ku sa kitike Easter ya ka teiwa choselele mu Baibili, i no ti sendedzela kuti ti shingise “butjenjedu ne njalakang’wa” dzedu pana ku tobela koga ngwao dze bathu. (Zwiani 3:21; Matewu 15:3) Nenguba ti budza bangwe ne kwe cha ti no dumila ne kwe Easter, ha be ti buzwa, to hlonipha fanilo ye nthu nngwe ne nngwe ye ku zwishalulila cha a no shaka thama.​—1 Pita 3:15.