Bafakazi ba Jehova ba Ngana mu Shango Yose?

Palo ye Bafakazi ba Jehova i no bagwa chini?

Bathu ba no bagwa se Bafakazi ba Jehova ndi ba no dwilila be rera ndebo mbuya dze Bushe gwe Ndzimu ngwedzi ne ngwedzi. (Matewu 24:14) Bathu ba no bagwa i Bafakazi ba ka dubikiwa kose ne ba sa ka dubikiwa ngono be fanilika ko thama nshingo we ko rera.

A nthu wa ka fanila ku dusa mari kuti a bangwe se Mfakazi?

Aa. Ku dusa mari a ku to amana ne kuti nthu a bagwe se Mfakazi kene ne kuti o no thama nshingo kene gobe la ka tini mo gubungano. (Mishingo 8:18-20) Ka njinji ,mari a no dusiwa ne ko da bangwe ba si nga zibe. Nfakazi nngwe ne nngwe o no dusila nshingo wedu we shango yose nako, masimba awe, kose ne zwithu zwi zwe, e thama e jalo ne ko da kukwe ko endidzana ne mamo awe.​—2 Bakorinta 9:7.

Mo ziba chini kuti bathu ba no dwilila be rera ba ngana?

Ngwedzi ne ngwedzi, Bafakazi ba no isa mbiko yabo ku phuthego ya ba li mo ili. Mbiko iyeyi i no thamiwa ne ko da.

Dzi phuthego dzo shanganya mbiko idedzi, dzi be dzi dzi tumila ku ofisi yadzo ye litabi. Ofisi ye litabi i no tumila mbingo dze shango ingwe ne ingwe kene ndawo ku ofisi yedu wulu ye shango yose.

Ku bupelo gwe gole lingwe ne lingwe le bushingili,a ku bupelo gwe gole lingwe ne lingwe le bushingili, palo i pezhugwi ye Bafakzi ye shango ingwe ne ingwe mu gole ilelo le bushingili i no zibikala. . Palo idzedzi dzo shanganyiwa dzose ku bona palo ye Bafakazi bose mo shango yose. Palo dzose dze shango ingwe ne ingwe dzo lakidziwa mo section ye website yedu i no dangwa ku yi “Around the World.” Mbiko idzedzi dzo ti kgotatsa koga se kwa dzi mbiko dza ka dzi kgotatsa bakirisiti be kotanga.​—Mishingo 2:41; 4:4; 15:3.

A mo bala bathu ba no shanganyila ne gubungano lenyo ne nguba ba si nga rere?

Ne ngbua ti si nga ba balile mo palo ye Bafakazi ba Jehova, to ba amuchila ne ludo mu dzi phuthego dzedu. Bunji gwa bo ba no be yapo mu Chikumbuludzo che lufu gwa Jesu gole ne gole, ndizo palo ya bo i nga bongwa a ku dusiwa palo ye ba yapo ko chikumbuludzo ne palo ye Bafakazi ba Jehova. Mu gole le 2023, palo ye ba ka ba li yapo ku Chikumbuludzo ya ka be i li 20,461,767.

Ba-jinji ba si nga kgone ko be yapo ku zwidiyo zwedu zwe phuthego ba no thusiwa ne thuto ye Baibili ye mahala ya ti no batila ku mizi yabo. Ne 2023, ta ka batila bathu dzi thuto dze Baibili dzi nga be 7,281,212 ngwedzi ne ngwedzi ngono mu zwingwe zwibaka to zwidiya ne bathu banjinji mu nako ingompela.

Ini palo dza hurumente dze Bafakazi ba Jehova dzi pinda palo dzenyu?

Ka-jinji palo dza hurumente dzo wangwa ne ku buzwa bathu kuti ba mu budumili gupi. A ti lakidzila, the U.S. Census Bureau i kati “palo dzabo dzo shaka ku bona kuti a bathu ba no zwitola ba le be budumili gongwe mu ichaba, ichecho cho pelela ne kuti palo dzabo dzi be dzi no kumbuligwa koga ngono dzi si dze malebeswa.” Ku leyana na ichecho., iswi to bala Bafakazi ba Jehova ili bathu ba no rerela bangwe ne ba no dwilila be beka koga, e se ba no zwileba koga kuti Bafakazi.