THUTO 56

Thama Kuti ku Dwilile ku na Hwanano mu Gubungano

Ya ka Tshambisiwa

Ha ti na bazwalani ne dziazwadzi dzedu, to zwiwa koga sa She Dafite a ka be e zwiwa: “Kubuyanana kakale koshathisa seni! Ha bana be nthu baligedzane bakabhatana!” (Pisalema 133:1) Ku hwanana kwedu a ku to zwishingikalila koga. Nngwe ne nngwe wedu u na chiabe kuti ku dwilile ku na hwanano.

1. Ini cha ka shalulika mu bathu be Ndzimu?

Ha u be po mu zwidiyo zwe gubungano ku shango ingwe, u ngana u ka si hwisise lulimi gu no lebgwa, ngono u nowo zwiwa wa ka amuchilika. Ne kutini? Ne kuti to zwidiya Baibili ti shingisa tshambiso dzi no fanana pangwe ne pangwe. Kakale to gwisa ku lakidzana ludo. Nenguba ti gala mu ndawo dza ka siyasiyana, tose to ‘dana zina la Yahwe [Jehova] ne kubashingila takabhatana.’—Zafaniya 3:9.

2. U nga thamani kuti ku be ne hwanano?

“Danani nge malebeswa nge moyo yenyu yose.” (1 Pita 1:22) U nga shingisa chini kumbuludzo iyeyi? Pana ne ku biga nkumbulo mu ku sa zwilizanila kwe bangwe, lingilila buthu gwabo gubuyanana. Mu bumo gwe ku be bakhwinya koga ne ba no da zwa u no da, lika ku ziba bazwalani ne dziazwadzi ba ka kula ne zila dzi si nga fanane. Kakale ti nga gwisa ku pedzisa mazwiwo e ku shalaula a ti nawo.—Bala 1 Pita 2:17.a

3. U nowo thamani ha u si nga dumilane ne Nkirisiti nawe?

To hwanana, ngono hatizo zwilizanila. Mu zwibaka zwingwe to hwisana zogwadza. Dama le Ndzimu lo ti dwa liti: “Muzwiibhatilane,” li be li paphidza liti: “Muzwiibhatilane koga sa She sekwa bakamuzwiibhatigwa.” (Bala Bakolosa 3:13.) Ta ka hwisa Jehova zogwadza kanjinji, ne kwa ka jalo wa ka ti zwibatigwa. Wa ka lingilila kuti naswibo ti zwibatigwe bazwalani bedu. Ha u bona kuti wa ka hwisa nngwe zogwadza, shalula ku baakanya zwithu.—Bala Matewu 5:23, 24.b

ZWIDIYE KWA KA NGINILILA

Shaka zila dza u nga shingisa kuti ku be ne hwanano ne mbakiso mu gubungano.

Zwitshwantsho: Nzwalani e thama mbakiso. 1. Nzwalani ungwe u no lebeleka naye ali zhele bugali. 2. U no kumbula cha ka lebgwa ne ungwe nzwalani. 3. U no lingisisa kumbuludzo ye Baibili ne kwe kuti wa ka fanila thamani ha a thumugwa. 4. U no shangana ne nzwalani ungwe kuti ba ngwe kofi ne ku thama mbakiso. — U nowo thamani kuti ku be ne mbakiso?

4. Mililana ne ku shalaula

To da bazwalani bedu bose. Ngono ti nga simigwa ne ku amuchila nngwe wa ku no lingika a si nga fanane naswi. Ini chi nga batsha? Bala Mishingo 10:34, 35, mu be mu lebesana ne kwe buzo dzi no tobela:

Jehova u no amuchila bathu bose ba ka siyasiyana ku be Bafakazi babe. Ichecho cha ka fanila ku ama zila ya u no linga bangwe ba ka kula ne zila i si nga fanane nawe chini?
I ku shalaula kupi ku zhele pa u no gala, kwa u si nga shake ku ku amuchila?

Bala 2 Bakorinta 6:11-13, mu be mu lebesana ne kwe buzo i no tobela:

U no kumbula kuti u nga be nkhwinya we bazwalani ne dziazwadzi ba ka kula ne zila dzi si nga fanane ne iyo chini?

5. Zwibatigwe wa ka sungunuka ne ku thama mbakiso

Jehova u no ti zwibatigwa a ka sungunuka nenguba a si nga shete kuti iswi ti nzwibatigwe. Bala Pisalema 86:5, mu be mu lebesana ne kwe buzo dzi no tobela:

Jehova u no zwibatigwa ku kulu ku ngapani?
Ini u bokela ku be e zwibatigwa?
I mamo api a nga thama kuti ti simigwe ne ku hwanana ne bangwe?

Ti nga yedza Jehova chini ne ku dwilila ti hwanana ne bazwalani ne dziazwadzi dzedu? Bala Zwiani 19:11, mu be mu lebesana ne kwe buzo i no tobela:

Ha nngwe e ku hwisa zogwadza u nga thamani ku baakanya zwithu?

Mu zwibaka zwingwe to hwisa bangwe zogwadza. Ha ichecho chi shingikala, ta ka fanila ku thamani? Zana VIDIYO, mu be mu lebesana ne kwe buzo i no tobela.

VIDIYO: Ku Thama Mbakiso ko Zhisa Makombolelo (6:01)

Mu vidiyo, azwadzi wa ka thamani kuti ku be ne mbakiso?

6. Lingilila zwa ka lulwama mu bazwalani ne dziazwadzi dzidzo

Ha ti be bakhwinya be bazwalani ne dziazwadzi dzedu, towo ziba bukhoni kose ne dziphoso dzabo. Ti nga thamani kuti ti bige nkumbulo mu bukhoni gwabo? Zana VIDIYO, mu be mu lebesana ne kwe buzo i no tobela.

VIDIYO: Dwilila u Nakila Mbeli! (5:10)

Ini chi nga ku batsha ku bona buthu gu buyanana mu bazwalani ne dziazwadzi dzidzo?

Jehova u no biga nkumbulo mu buthu gwedu bu buyanana. Bala 2 Shingikalo 16:9a, mu be mu lebesana ne kwe buzo i no tobela:

Ku ziba kuti Jehova u no biga nkumbulo mu buthu gwedu gu buyanana, ko thama kuti u zwiwe chini?

Ringi ye dayimani. — Nenguba dayimani ya ka naka i nga be ne pa i sa ka lulwama, i cha tolegwa pezhugwi. Ne zila i no fanana, bazwalani ne dziazwadzi dzedu bose habazo zwilizanila, ngono Jehova u no ba da

BATHU BANGWE BA KATI: “Kuti ndi zwibatigwe nngwe, wa ka fanila ndi thigamila.”

Ini ta ka fanila ku gala ta ka zwibaakanyila ku zwibatigwa bangwe?

CHA WA ZWIDIYA

U nga batsha kuti ku dwilile ku na hwanano mu gubungano ha u zwibatigwa, ne ku da nngwe ne nngwe we bazwalani ne dziazwadzi.

U Nga Tini?

U nga mililana chini ne ku shalaula?
U nowo thamani ha u na ku sa hwanana ne Nkiristi nngwe nawe?
Ini u shaka ku yedza chilakidzilo cha Jehova che ku zwibatigwa bangwe?

Thuto ya pela ne:

Zwimisile

Kuti ha u bona kwa ka ku simila ku hwanana ne nngwe Nkirisiti, u thame kuti u nzibe kwa ka paphidzika ne ku lingilila buthu gugwe gu buyanana.

Ne:

Your other goal

SHAKISISA

Zwidiye se kwa chifaniso cha Jesu chi nga ti batsha kuti ti si athule bangwe.

Dusa Guni (6:56)

A to sheta ku kumbila mazwibatigwa, ha ti kumbula kuti hatizo thama chingwe chi sa ka lulwama?

“Ku Kumbila Mazwibatigwa—Zila ye ku Thama Mbakiso” (Thungamakole, November 1, 2002)

Bona kuti bangwe ba ka zwidiya ku shingidzana ne bangwe ba singa ba shalule chini.

U si Athule u Laugwa ne Cha Uno Bona (5:06)

Bona zila dza u nga shingisa kuti u khone ku hwanana ne bangwe kuti gubungano li dwilile li na mbakiso.

“Baakanya Mathatha ne Ludo” (Thungamakole, May 2016)

a Zibiso ya ka Paphidzika 6 i no chenesa se kwa ludo gu sendedzela Bakirisiti kuti ba si dile bangwe magwele a no digwana.

b Zibiso ya ka Paphidzika 7 i no chenesa se kwa ku nga thamiwa kuti ku be ne hwanano mu khani dze business kene dze nlayo.