Ini Bafakazi ba Jehova ba Singa Shingise Chiphambaano mu ku Namata?

Bathu banjinji ba no linga chiphambaano se litshwawo gwe Bukirisiti mu shango yose. Nenguba Bafakazi ba Jehova ili Bakirisiti, atito shingisa chiphambaano mu namato yedu. Ne kutini?

Libaka gungwe hwukuti, Baibili ino lakidza kuti Jesu haazo fila mu chiphambaano, ngono wa ka fila mu bango. Pezhugwi kwa ichechi, Baibili i no chengedza Bakirisiti ya ka simisa kuti ba bo “kutjena nge kunamata midzimu.” Ichechi cho dwa kuti ba si tongo shingisa chiphambaano mu ku namata.​—1 Bakorinta 10:14; 1 Johani 5:21.

Ha e leba bukulu gwa ichechi, Jesu wa kati: “Bathu bose banowoziba kuti mu badiyiwa bangu ha mudana.” (Johani 13:34, 35) Ipapa Jesu wa ka lakidza kuti lido gwe ku zwidusa chibayilo​—isi chiphambaano kene itshwantsho chingwe koga—​ndigo gu nowo lakidza batobeli babe be malebeswa.