SHINAMILO SHA SHIKLISTU

Wako undilipanganiyanga kwa matatisho a kwova kwa njuluku?

Wetu hatunashanga shinu tukona matatisho latadya kwova kwa njuluku mushilambo uti. Mwaa wa nyamani? Mwaa wetu tunkunama ku mwisho kwa maduva lamwisho na Ibibiliya inkutwaulila pakulota hatunavike lilindililo lyetu “mumali ákakulupilika.” (1 Tim. 6:17; 2 Tim. 3:1) Mpano umwe Umu Yoshapati unkutupundisha nyamani kwaupande wa kulipanganiyanga kwa matatisho a kwova kwa njuluku?

Muwakati wavashintishanga na vamongo, Yoshapati anínkulupila Yeova. (2 Maim. 20:9-12) Namomo nae andívapanganiyanga venentete kaladavo kwa kunanopyanga minjini na kuvapanganiyanga majeshi. (2 Maim. 17:1, 2, 12, 13) Kenga Yoshapati, wetu tundauka ndatenda shana tukankulupila Yeova na kulipanganiyanga pakulota kulipililila muwakati wakukamadyanga.

TULOTA KUTENDA NYAMANI PAKULOTA KULIPANGANIYANGA KWA MATATISHO A KWOVA KWA NJULUKU?

Kulipanganiyanga mwimumu: Lambwalela vinu vyauvenavo, na nanowanga likulupililo lyako kumwe Yeova kenga ngwengwe andakupa vinu vyaulota. (Mat. 6:26; 1 Tim. 6:8) Amuwa pakulota haunapujungule malamulo ákabadilika lamu Ibibiliya pakulota upate vinu vyaulota. (Val. 2:21) Manya mwashi mwakukila mushu ushomya Ibibiliya na mabuku lanji laigwania na Ibibiliya ikava kenga umeme au inteleneti haipagwa shinu. Kondya mabuku padyoko na ikaululika, umya mabuku mu tabeleti.

Kulipanganiyanga kwa vinu vya pamili: Pungula kuvanavo madeni na haunashume vinu vyawona kenga hautumila lakanava kuwika matatisho a kwova kwa njuluku. (Mikon. 22:7) Ikaululika, kondya shakulya padyoko na vinu vinji vilateka. Vanu vanji vanatenda mateka la mamba pakulota kupata njuluku.

LOLA VIDEO WAKO UNDILIPANGANIYANGA SHIKANAVA KUMILILA SHOVYA? NA BADAE JANG’ULA VYAKUDYA VYAATIKA:

Kulodya kwa video “Da wako undilipanganianga shikaumilila shovya?” Ipisha ilodya Ibibiliya, nkoba wa shimwanda, itableti na mmadengo nkudenga workers.

Nyamani shivaikidile atende kula munu pakulota kulipanganiyanga shikanava kumilila shovya?

Your answer

Kulodya kwa video “Da wako undilipanganianga shikaumilila shovya?” Vanung’unumunu vankupwashelashimadengo shakudenga na pavaumadyanga vikalelo muligali.

Wetu ituvaikidile tulipanganiyange dashi pakulota tuvapwashele vanu vanji?

Your answer