IMBANDE 8

Kupela kumwe Yesu kuvenao mana shani kwako?

Yesu andipela pakulota tupate shingumi shikamalilika. Nshuwau 3:16

Vakongwe valola likabuli lyake Yesu livele mwandwa

Akapite maduva matatu ling’oto lyakupela kwake Yesu, vakongwe vanji vandyuka ndalola likabuli lyake, vakawike havankadidye. Yeova anintakatuwa Yesu.

Yesu andyumilila pameo pa vakwoda vake na badae yake andíkwela kuwa

Na ling’oto Yesu andyumilila pameo pa vakwoda vake.

Yeova anintakatuwa Yesu pakulota aname kenga munu waimumu, wadimongo hakanapela. Vamyombe vake Yesu vanimwona akwela kuwa.

Nnungu anintakatuwa Yesu na animmika kuva Umu wa Ishilikali Yake. Daniyele 7:13, 14

Kupitila Ishilikali ya Nnungu, Yesu anatawala mushilambo sha pai na vanu uti kwa wambone mu ipalaishu

Yesu andijaula shingumi shake pakulota kuvambola vanu. (Mateu 20:28) Mwa walyambolelo lyolyo, Nnungu andyungula indila pakulota tupate shingumi shikamalilika.

Yeova animmika Yesu kenga Umu pakulota atawale shilambo shapai. Nae andapagwa pamo na vanu 144.000 vakukulupilika vapela na vankuvatakatuwa pakulota vaname kuwa. Yesu pamo na vanu 144.000 vankukandyanga ishilikali yakuwa ilota kutenda uwambone kwavanu. Ayo ni Ishilikali ya Nnungu.—Maono 14:1-3.

Ishilikali ya Nnungu indatenda shilambo shapai kuva ipalaishu. Haipagwa kavili ing’ondo, ukalau, umashikini na indala. Vanu vandava mwiu vakupuwanga.—Dimu 145:16.