Likanyalidye kubuwa mitima

Mikong’o 3:1

IKUVAIKIDILE UTENDE DASHI: Vapwashele vanu vakwigwilíla pakulota vaigwe shana mana la vinu vya valipundisha na vavikile mmitendo.

MWAKUTANDELA:

• Vapwashele vanu vakwigwilíla pakulota valikumbukile vovene. Tumila vyakudya vilóta kuvapwashela vanu vakwigwilíla valilalyange mumakumbukililo lavo.

• Vape dimongo pakulota vavenavo shabaa yambone. Vakalangidye vanu vakwigwilíla pakulota vakumbukile mwaa shani vankutenda vinu vyambone. Vapwashele vanu valote kutenda vinu vyambone kwa dishabaa dyambone—kwakunnagwaledya Yeova, kuvanagwaledya vanu, na kunagwaledya mapundisho la Ibibiliya. Vapwashele vanu vanalele limanyilo kwa ashilá shitangaleka mu Ibibiliya; haunavashashulange. Kuleka kuvataa ndyoni, ávanavo wakika kenga kumwisho kwamwaa wako, unkuvaleka na ntima shii na dimongo dyakutenda vinu vyoe vyambone.

• Vatadye vanu vantubwange Yeova. Idapedya namene mapundisho la Ibibiliya, malamulo ákabadilika, malamulo lalodya mavalelo la Nnungu na mwashi mwatunagwaladyedya. Vapwashele vanu vakwigwilíla pakulota vamanye mwaligwidya Yeova na vavenavo malotelo lakutenda vinu vinagwéla nae.