IBIBLIYOTEKA yapa Inteleneti
Nkulaledya
IBIBILIYOTEKA YAPA INTELENETI
Shimakonde
  • IBIBILIYA
  • MABUKU
  • MIKUTANO
  • lff lishomo 16
  • Yesu atandíle nyamani paidíle mushilambo shapai?

Haipali video pautandwele.

Shamani, shipali shikaweke pakulodya video.

  • Yesu atandíle nyamani paidíle mushilambo shapai?
  • Puwanga ngwengwe na shingumi!​—⁠Kushomya kwa Ibibiliya kwa kwambanga mwaa
  • Myuti midikidiki
  • Vinji vyakulingana
  • LAMBELA KUMANYA VYOE
  • KWAUNGWIPI
  • LIPUNDISHE
  • Yesu ni nyani?
    Puwanga ngwengwe na shingumi!​—⁠Kushomya kwa Ibibiliya kwa kwambanga mwaa
  • Yesu ave na mavalelo shani?
    Puwanga ngwengwe na shingumi!​—⁠Kushomya kwa Ibibiliya kwa kwambanga mwaa
  • Yesu Klistu ni Nyani?
    Ibibiliya Itupundisha Nyamani?
Puwanga ngwengwe na shingumi!​—⁠Kushomya kwa Ibibiliya kwa kwambanga mwaa
lff lishomo 16
Lishomo 16. Yesu papundisha shipinga sha valume, na vakongwe vaikalenge palishinga.

LISHOMO 16

Yesu atandíle nyamani paidíle mushilambo shapai?

Lyaamba lyakwimpilimiligwa
Lyaamba lyakwimpilimiligwa
Lyaamba lyakwimpilimiligwa

Vanu vakumbukila kenga Yesu ni nunu, nkúlava walimanyilo au munu abakidile padyoko kupela. Kanji tukashomya kwaupande wa shingumi shake mushilambo tunamanya kenga nae ni munu wakuvilingananga kuliko mwavakumbukilila vanu. Mu lishomo ali tunauka nalola vinu vikumene vyatandile Yesu na vyanavo vilota kukupwashela dashi wako.

1. Lidengo shani livele likumene kwake Yesu?

Lidengo likumene limwe Yesu “livele kuvalanganga mitenga vyambone vya Utavala wa Nnungu.” (Shomya Lukashi 4:43.) Mitenga vyambone vyashivalanganga Yesu ni Utawala au ishilikali ya Nnungu ilota kwida namalidya matatisho uti a mushilambo.a Mu myaka mitatu na nushu Yesu andikola namene madengo avamanyia vanu ntenga walilindililo muwakati wamushu.—Mateu 9:35.

2. Mwaa shani Yesu ashinatenda makango?

Ibibiliya inkuvalanganga vinu “vyakutikinikanga kenga makango na vimanyikilo vyatandile Nnungu kwa indila imwe [Yesu].” (Vitendo 2:22) Na dimongo dimwe Nnungu Yesu andyulula kulaledya dimepo, kuvalisha vanu voe, kuvaponia valwele na mpaka kuvadyuwa vanu vakupela. (Mateu 8:23-27; 14:15-21; Malukushi 6:56; Lukashi 7:11-17) Makango latandile Yesu landilodya kenga vantumididye namu Nnungu. Lanavo momo landilodya kenga Yeova ankuvanavo dimongo dyakwangangola matatisho letu.

3. Nyamani shatulipundisha mushinamilo shake Yesu?

Yesu ngwengwe ashinamwigwilila Yeova. (Shomya Nshuwau 8:29.) Nae anditenda davo mushingumi shake uti, mpaka pashipita malingo, nae andilodya kenga vanu vankuulula kuntumikila Nnungu ata vakapita matatisho. Pave davo, Yesu andileka mpano pakulota wetu twodedye amulá mwalivete nae.”—1 Patulu 2:21.

LAMBELA KUMANYA VYOE

Lola mwashi Yesu mwashandadidya ntenga na mwashitandela makango.

4. Yesu ashinandadya ntenga wambone

Yesu andiwena vyuluta vyoe mu ibalabala kanji na ishaba imo, kwandadya ntenga wambone kwa vanu voe. Shomya Lukashi 8:1 na badae mwambangile mwaa vyakudya vya mwina:

  • Da shana Yesu ashivandadidya ntega vanu vashimwidila?

  • Dimongo shani dyashitenda Yesu pakulota avapate vanu?

Nnungu andivalanga kenga mashie anadadya mitenga vyambone. Shomya Ishaiya 61:1, 2, na badae mwambangile mwaa vyakudya vya mwina:

  • Yesu atandadidye dashi shakulava ashi?

  • Wako wona kenga vanu nelo vankulota kwigwa mitenga vyambone?

Yesu pawena auka ku njini na vakwoda vake padyoko.

5. Yesu andipundisha umwiu uvenavo mana namene

Kuleka kwandadya Utawala wa Nnungu Yesu andijaula midimu vyambone namene. Lola mpano kwa vinu vyatangwele nae ku ntenga wakulishinga. Shomya Mateu 6:14, 34 na 7:12, na badae mwambangile mwaa vyakudya vya mwina:

  • Midimu shani vyambone vyajawile Yesu mu mishitali avi?

  • Wako wona kenga midimu avi vinkuulula kuvapwashela vanu nelo?

Yesu patangola mwaa wake wa palishinga kwa shipinga sha valume, vakongwe, na vadyoko.

6. Yesu anditenda makango

Yeova andimupa Yesu dimongo pakulota atende makango. Lola mpano, shomya Malukushi 5:25-34 au lola VIDEO. Na badae mwambangile mwaa vyakudya vya mwina.

VIDEO: Yesu animponia nkongwe avele nwele (5:10)

  • Mu video nkongwe nwele ashamini nyamani?

  • Nyamani shikunagwadile wako kwa makango alo?

Shomya Nshuwau 5:36, na badae mwambangile mwaa shakudya sha mwina:

  • Makango lamwe Yesu laumidye ushuda shani au laukile ndalodya nyamani?

Yesu paguguvala na patangola na nkongwe aponile kwa makango shilwele sha myadi.

Wako ushindamanya?

Vinu uti vyatumanya kwaupande umwe Yesu vivele mulibuku limwe—Mateu, Malukushi, Lukashi, namu Nshuwau. Lanavo lamanyika kenga mitenga, kula munu andyandika shinu shakuvilingananga shandike muje kwaupande umwe Yesu. Tukashomya mabuku ala uti nsheshe tunkuulula kumanya mwashi mwashívalalele shingumi shimwe Yesu.

  • MATEU

    libuku lya mitenga litandi. Mwanavo tundakodya mapundisho loe lamwe Yesu kupunda namene mapundisho kwaupande wa Utawala wa Nnungu.

  • MALUKUSHI

    ni libuku lidikidiki lya mitenga. Lyakupa-dimongo na matendo loe.

  • LUKASHI

    ankuvalanga kenga kushwali shivele shinu shikumene kwake Yesu na mwashi mwashivatananila vakongwe.

  • NSHUWAU

    ankuvalanga mwashi mwashambangila mwaa Yesu na vavagwe namomo na vanu vanji, asho shinkutupwashela wetu kwona mavalelo amwe Yesu.

VANU VANJI VANKUSHIDONI: “Yesu havele mwana wa Nnungu kanji avele munu wambone.”

  • Wako wona dashi?

KWAUNGWIPI

Yesu andyandadya ntenga wa Nnungu, anditenda makango na ashinamwigwilila Yeova mu vinu uti.

Tukumbukilange

  • Lidengo shani livele likumene lyake Yesu pavele mushilambo shapai?

  • Makango lamwe Yesu lalodya nyamani?

  • Midimu shani vyambone vyajawile Yesu?

Ishabaa

LIPUNDISHE

Vinu shani vyashitangola namene Yesu?

“Ufalme wa Mungu—Una Umuhimu Gani kwa Yesu” (Mnara wa Mlinzi, Oktoba 1, 2014)

Manya mwaa shani indituvaikila twamini kenga makango amwe Yesu anditandeka.

“Miujiza ya Yesu—Unaweza Kujifunza Nini?” (Mnara wa Mlinzi, Julai 15, 2004)

Shomya kwaupande wa munu abadilishidye shinamilo shake baada yakulipundisha mwashi mwashivatananila Yesu vanu.

“Niliishi Maisha ya Ubinafsi” (Mnara wa Mlinzi, Oktoba 1, 2014)

Lola vyakutandeka vimwe Yesu mu shimadengo shakwandadya mwavitandakadile mukwadananga.

“Matukio Muhimu Katika Maisha ya Yesu Duniani” (Biblia Takatifu Tafsiri ya Ulimwengu Mpya, Nyongeza A7)

a Mashomo 31-33 lanavalanganga shana kwaupande wa Utawala wa Nnungu.

    Mabuku la Shimakonde (2013-2025)
    Uma
    Injila
    • Shimakonde
    • Tumidya kwa aija waunota
    • Vyaulota
    • Copyright © 2025 Watch Tower Bible and Tract Society of Pennsylvania
    • Malamulo lavaikidile wodedye
    • malamulo letu lakukandedya vipii
    • Mpangilio wa Faragha
    • JW.ORG
    • Injila
    Tumidya kwa aija waunota