Kulipililila

Lilamulo líkabadilika: “Havashilakela kunyuma kupundisha na kummalanganga Yesu kuva Klistu.”—Vit. 5:42.

Paulu atandíle nyamani?

Myombe Paulu pandadya mitenga vyambone aimidile mushu mwaa vanashikola.

VIDEO: Paulu andilipililila ku Epeshu

1. Lola VIDEO, au shomya Vitendo 19:8-10. Badade jang’ula vyakudya vya mwina:

Tunkumanya dashi kenga Paulu andílipililila mukwandadya mitenga vyambone?
Paulu ashujila myanda mingapi pakulota kuvapundisha avalá valodidye lilotelo, na shinu asho atandile kwa maduva mangapi?

Wetu tulipundisha nyamani namu Paulu?

2. Pakulota kutenda kujila kwambone na kwanjanga mapundisho la Ibibiliya inkulateka wakati na dimongo.

Njedye Paulu

3. Likanyalidye pakulota kujila kunnola munu muwakati walota nae. Lyudye: ‘Duvani na kwashi kulota kuva kwambone kujila nannola munu? Liduva shani lyalota kuvanavo wakati pakulota kwambanga mwaa namu nangu?’ Ava tayali kujila nannola munu ata úkanava wakati wambone kwako.

4. Mudye munu ajo liduva shani lyalota pakulota ukambange mwaa kavili namu nae. Kumwisho kwa kula mwaa, lingangila kuvika isaa na liduva pakulota kwida nambanga kavili mwaa wenu. Likanyalidye pakulota kutandedya shamwigwene.

5. Haunakatoke lilindililo. Haunakumbukile kenga munu havenavo lilotelo mwaa haunankodya pakaja au mwaa ngwengwe unkukodya avele na madengo. (1 Vakol. 13:4, 7) Wena mushu ulipililila, namomo manya kutumila shana wakati wako.—1 Vakol. 9:26.

NAMOMO LOLA

Vit. 10:42; 1 Vakol. 9:22, 23; 2 Vakol. 4:1; Vagal. 6:9