Upole

Lilamulo líkabadilika: “Linagwaledyo ni kulipililila.”—1 Vakol. 13:4.

Yesu atandíle nyamani?

Yesu avele kwa nung’une Tiyagu kwa shiveda. Tiyagu ankushanga pamwona Yesu.

VIDEO: Yesu kwa upole ankumpwashela nung’une

1. Lola VIDEO, au shomya Nshuwau 7:3-5 na 1 Vakolintu 15:3, 4, 7. Badae jang’ula vyakudya vya mwina:

Kunantandi, vanung’unumunu vake Yesu vashanela mwashi ntenga washandadya?
Nyamani shilodya kenga Yesu handabile nung’une Tiyagu?

Wetu tulipundisha nyamani namu Yesu?

2. Ituvaikidile tuve vapole mwaa vanu vanji vandatima kukubali mitenga vyambone.

Njedye Yesu

3. Lingangila kutumila inamuna inji. Munu hakanakubali kwashipajelo lipundisho lya Ibibiliya, haunankanyalidye. Ikaululika, tumila vídeo au myaa pakulota kumpwashela kumanya mwashi mwavanatandela lipundisho lya Ibibiliya na kulipundisha Ibibiliya kulota kumpwashela dashi nae.

4. Haunavalinganiange vanu. Kula munu andivilingananga na muje. Ikava kenga mulikola au munu junji wauka nannola hanalota shinu kulipundisha Ibibiliya au shipundisha Ibibiliya, lingangila kumanya shana nyamani shintadya kwita. Tushidoni munu ajo andikamulila namene mapundisho a idini yake? Tushidoni ankupitila kukanyaliligwa na valikola au vajilani? Mwing’e wakati pakulota munu akumbukile shaumwaulidile na one mana ashilá shipundisha Ibibiliya.

5. Shwali unjugwila munu avenavo lilotelo. Njugwe Yeova pakulota akupwashele kuka mushu uvanavo makumbukililo lambone na ishima. Shwali ujugwa pakulota umanye wakati uvaikidile uleke kumujila munu alodya lilotelo padyoko.—1 Vakol. 9:26.

NAMOMO LOLA

Maluk. 4:26-28; 1 Vakol. 3:5-9; 2 Pat. 3:9