Kutangola shalowa

Yesu atandíle nyamani?

VIDEO: Yesu pamwing’a ndimu nkúlangalalela nnemba ntajili

1. Lola VIDEO, au shomya Malukushi 10:17-22. Badae jang’ula vyakudya vya mwina:

1. Mavalelo shani lambone lagwene Yesu kwa nanangalaledi nnemba?

2. Mwaa shani Yesu ishinalateka avenavo linagwaledyo na ntima shii pakulota kumwing’a ndimu washalowa?

Wetu tulipundisha nyamani namu Yesu?

2. Pakulota tuvapwashele vashikola vetu kukulumuka nkati mwimumu, ivaikidile tutangole kwalinagwaledyo, kanji namomo shalowa.

Njedye Yesu

3. Mpwashele nshikola wako kulivikila na kutandedya dishabaa.

1. Tumila libau “Ishabaa” imbande ipatikana kula lishomo mulibuku Puwanga ngwengwe na shingumi!

2. Mpwashele nshikola wako kumanya vinu vivaikidile nae atende pakulota aulule kutandedya dishabaa dya wakati ungwipi na wakati wakulepa.

3. Ngwengwe nnambwalele nshikola wako kukulumuka kwa mwimumu kwatenda.

4. Manya nyamani shintadya nshikola wako hanakulumuke mwimumu na lingangila kumpwashela kutema vyakukamadyanga vyavenavo.

1. Lyudye:

   • ‘Shinu shani shintadya nshikola wangu hanakulumuke mwimumu mpaka kubatishwa?’

   • ‘Ngulota kutenda nyamani pakulota nimpwashele?’

2. Njugwe Yeova akwing’e ntima shii pakulota utangole shalowa na kwalinagwaledyo na nshikola wako kwaupande wa ashilá shivaikidile atende.

5. Leka kumpundisha munu ikava kenga hanakulumuka shinu mwimumu.

1. Pakulota umanye ikava kenga nshikola wako ankukulumuka mwimumu au mene, lyudye:

   • ‘Da nshikola wangu ankuvikila mmitendo ashilá shalipundisha?’

   • ‘Anaida ku mikutano na anavaulila vanu vanji vinu vyalipundisha?’

   • ‘Baada yakulipundisha Ibibiliya kwa wakati woe, da nae ankulota ave Nshaidi wa Yeova?’

2. Ikava kenga nshikola wa Ibibiliya hanalodya shinu kenga ankulota kukulumuka mwimumu:

   • Njugwe pakulota akumbukile nyamani shintadya hanakulumuke mwimumu.

   • Kwaishima mwaulile mwaa shani hauka shinu mushu ulipundisha namu nae.

   • Mwaulile nyamani shivaikidile atende akalota kujila kulipundisha Ibibiliya muwakati wamushu.