Kupundisha inamuna íkakamadyanga

Yesu atandíle nyamani?

VIDEO: Yesu ankuvalanga nkong’o ulodya mwatushungila Tatagwetu

1. Lola VIDEO, au shomya Mateu 6:25-27. Badae jang’ula vyakudya vya mwina:

1. Yesu aukile nalodya dashi mwatushungila Yeova?

2. Ivedavo Yesu ashinamanya vinu vyoe kwaupande wa vyuni, shinu shani shíkakamadyanga shalodíle nae namene? Mwaa shani ai ivele inamuna yambone yakupundisha?

Wetu tulipundisha nyamani namu Yesu?

2. Wetu tukapundisha inamuna íkakamadyanga, vanu vanauka nakumbukila shatuvapundishidye, na tunaulula kukamula mitima vyavo.

Njedye Yesu

3. Haunatangole namene. Kuleka kuvalanga kula shinu shaumanya kwaupande wa lishomo lyamwambangila mwaa, lola namene ashilá shivalanga libuku lya lipundisho. Baada yakutenda shakudya, ava mpole na nnindile nshikola ajang’ule. Nae hakanamanya lijibu au akatangola shinu shíkapundisha Ibibiliya, tenda vyakudya vinji pakulota kumpwashela kwigwa shana shinu shaumpundisha. Nshikola akaigwa shana, unkuulula kwinjila imbande yaatika.

4. Mpwashele nshikola wako kulinganianga kwa ashilá shalipundishidye kala na ashilá shalipundisha kwaambi apa. Kwampano, múkanava kwanjanga lishomo livalanga kwaupande wakudyuka, wako unkuulula kukumbukilanga kwaungwipi na nshikola pakulota kumanya nyamani shalipundishidye kwaupande wa nyamani shinantandeka munu akapela.

5. Manya kutumila mipano. Úkanava kutumila mpano, lyudye:

1. ‘Da mpano wangulota kutumila haunakamadyanga shinu?’

2. ‘Da nshikola wangu anaulula kwigwa shana?’

3. ‘Unampwashela kukumbukila imbande ikumene—au alota kukumbukila mpano?’