Tumila dyabali diu na dyakukulupilika

Lukashi 1:3

IKUVAIKIDILE UTENDE DASHI: Tumila dyabali diu dilota kuvapwashela vanu vakwigwilíla kwigwa shana.

MWAKUTANDELA:

• Tumila dyabali dyakukulupilika. Malove lako lautangola, lavaikidile lalingane na Iilove lya Nnungu, ikaululika shomya shalowa mu Ibibiliya. Ikava kenga ulota kutambula vitendo vya umanyimanyi, dyabali, vyakupitila kwali vinu vinji, avanavo wakika kenga uti vinu avyo viu na vinkutumika.

• Igwiniya shana. Muwakati wauvalanganga maandiko, nayadavo ivaikidile uvalangange mishitali vinji vivandikanenge na nshitali waushamidye. Valanganga bila kuvilinganianga na maandiko lanji la mu Ibibiliya, namomo kulupila mabuku laumidye “ntumika wakukulupilika na wading’ano.” (Mat. 24:45) Pautumila dyabali dikapagwite nkati maandiko, avanavo wakika kenga haunavilinganianga shinu na vipagwite nkati maandiko.

• Vapwashele vanu vakwigwilíla vamanye kenga dyabali adyo diu. Baada ya kushomya lyaandiko au kutambula, tumila vyakudya au lodya nkong’o wa imbande yako pakulota uvapwashele vanu vakwigwilíla vamanye mwakuvikila mmitendo kwa ashilá shautangola mu mwaa awo.