LISHOMO 17
Yesu ave na mavalelo shani?
Tukalipundisha kwaupande wa vinu vyatandile na vyatangwele Yesu mushilambo shapai, tunanalela mavalelo lalota kututadya wetu kummandika nae na Tatake, Yeova. Mavalelo alo ni lakwashi? Na tulota kunjedya dashi Yesu mushingumi shetu?
1. Dinamuna shani dyalingana Yesu na Tatake?
Yesu andinama na Tatake walinagwaledyo kuwa na andilipundisha namu nae mu myaka dimilioni dyoe. Ndyomana, nae ankukumbukila, ni washididi, na ankutenda vinu kenga tatake. (Shomya Nshuwau 5:19.) Kwaumwiu, Yesu andilodya mavalelo la Tatake shalowa kenga mwatangaladíle: “ángugwene nangu, animwona Atata.” (Nshuwau 14:9) Wako ukalipundisha kwaupande wa makumbukililo lamwe Yesu, undauka nammanya shana Yeova. Kwampano, inamuna yashivanangila shididi vanu Yesu, inkulodya mwashi mwaligwidya Yeova kwaupande wako.
2. Yesu alodídye dashi kenga ankunnagwaledya Yeova?
Yesu atedoni: “kanji pakulota shilambo shimanye doni, nangu ninkunnagwaledya Atata, nadoni avilá vyangulamulidile nae ngutende, ninkutandedya.” (Nshuwau 14:31) Pavele mushilambo shapai, Yesu andílodya linagwaledyo likumene kwa Tatake, kwa kumwigwilila nae ata muwakati wakukamadyanga kutenda davo. Nayadavo Yesu ishinannagwela kutangola kwaupande wa Tatake na kuvapwashela vanu vanji kulambela kuvanavo umbodi namu Yeova—Nshuwau 14:23.
3. Yesu alodidye dashi kenga ankuvanagwaledya vanu?
Ibibiliya inkuvalanga kenga Yesu ‘ankuvanagwaledya namene vanu.’ (Mikong’o 8:31, inota) Yesu andilodya linagwaledyo alyo kwa kuvapa ntima shii na kuva tayali pakulota kuvapwashela vanu. Nae anditenda makango pakulota kulodya kenga ankuvanavo dimongo na ankuvanangila shididi vanu. (Malukushi 1:40-42) Nae ashindavatanana vanu mu inamuna imo yoyo bila kupambula. Malove lake lashindaing’a lipambadyangidyo na lilindililo kwa uti avalá vashilota kwigwilila na ntima wavo. Yesu avele tayali kuvauvanga na kupela kwamwaa ashindavanagwaledya vanu. Kanji kupunda namene nae ankuvanagwaledya avalá vaodedya mapundisho lake.—Shomya Nshuwau 15:13, 14.
LAMBELA KUMANYA VYOE
Lipundishe vyoe kwaupande wa mavalelo lamwe Yesu. Na lola mwashi mwakulode- dya linagwaledyo na kujaula kenga mwatandadile nae.
4. Yesu ankunna- gwaledya Tatake
Mpano umwe Yesu unkutupundisha mwashi mwakulodedya linagwaledyo lyetu kwake Nnungu. Shomya Lukashi 6:12 na Nshuwau 15:10; 17:26. Baada yakushomya kula lyaandiko, mwambangile mwaa shakudya sha mwina:
Kunjedya Yesu, tulota kulodya dashi kenga tunkunagwaledya Yeova?
Yesu ashinannagwaledya Tatake wa kuwa na ashindatangola namu nae kwa indila yakushwali
5. Yesu ankutanana vinu vyavalota vanu
Yesu ashíndavangaikangila namene vanu kuliko kulyangaikangila jo mwene. Ata akadoba, nae ashinatumila wakati na dimongo dyake pakulota kuvapwashela vanu. Shomya Malukushi 6:30-44, na badae mwambangile mwaa vyakudya vya mwina:
Pavedoni, inamuna shani yambone yalodidye Yesu kenga ankuvangaikangila vanu vanji?—Lola mishitali avi 31, 34, 41, and 42.
Nyamani shishintadya dimongo Yesu kuvapwashela vanu?—Lola nshitali 34.
Kwa kuva Yesu andilodya mavalelo lamwe Yeova, kwa vinu avi uti ulipundisha nyamani kwaupande umwe Yeova?
Inamuna shani yaulota kunjedya Yesu kwaupande wa kuvangaikangila vanu?
6. Yesu ni wakujaula
Yesu avele wakujaula ata ikava kenga havénavo vinu vyoe, na anditupa ntima shii pakulota tuve tuvakujaula. Shomya Vitendo 20:35, na badae mwambangile mwaa shakudya sha mwina:
Kulingana na malove lamwe Yesu, tulota kuulula dashi kuvanavo lipuwilo?
Lola VIDEO, na badae mwambangile mwaa shakudya sha mwina.
Tulota kuva dashi tuvakujaula, ata ikava kenga hatuvenavo vinu vyoe?
Wako ushindamanya?
Ibibiliya inkutupundisha kenga ituvaikidile tushwali kumwe Yeova kupitila lina limwe Yesu. (Shomya Nshuwau 16:23, 24.) Wetu tukashwali kwa inamuna ayo, tundalodya kenga tunkulambwalela kwa ashilá shatandile Yesu pakulota kutupwashela kuva tuvambodi vake Yeova.
VANU VANJI VANKUSHIDONI: “Nnungu hanatutanana shinu patuvauvanga.”
Tunkumanya kenga Yesu andilodya mavalelo la Tatake, vitendo vyake vinkulodya dashi kenga Yeova ankututanana?
KWAUNGWIPI
Yesu ankunnagwaledya Yeova na ankuvanagwaledya vanu. Kwa kuva Yesu andilodya mavalelo Atatake, wako ukammanya shana Yesu, undauka nammanya shana Yeova.
Tukumbukilange
Tulota kuulula dashi kulodya linagwaledyo kumwe Yeova, kenga mwatandadíle Yesu?
Tulota kulodya dashi linagwaledyo kwa vanu, kenga mwatandadíle Yesu?
Mavalelo shani lamwe Yesu lakunagwadile wako?
LIPUNDISHE
Lalyanga mavalelo lanji lamwe Yesu latulota kuulula kujedya.
“Mwige Yesu kwa Kusitawisha Sifa Zifuatazo . . .” (Yesu—Njia, Kweli, na Uzima, ukurasa wa 317)
Manya mwaa shani ituvaikidile tushwali kupitila lina limwe Yesu.
“Kwa Nini Tusali Katika Jina la Yesu?” (Mnara wa Mlinzi, Februari, 1, 2008)
Ibibiliya ivalanga dashi kwaupande wa mili umwe Yesu?
“Yesu Alikuwa na Sura ya Aina Gani?” (Makala iliyo kwenye mtandao)
Tulipundisha nyamani kumwe Yesu kwa inamuna yantumbyenge nkongwe?
“Heshima na Staha Chini ya Utunzaji wa Mungu” (Mnara wa Mlinzi, Septemba, 1, 2012)