Jeová ku Jizus ta ben liberta-nu

Ki prublémas bu ten ki lida ku el tudu dia? Abo é un xéfi di família ki ten ki kuida di txeu responsabilidadi? Bu ta kria bus fidju bo sô i bu meste trabadja duru pa sustenta bu família? Abo é un jóven ki sta sufri bullying na skóla? Bu sta ta lida ku prublémas di saúdi ô ku otus prubléma ki ta ben ku idadi? Nos tudu nu sta ta lida ku algun tipu di prubléma. Txeu di nos irmons sta ta pasa pa txeu prubléma omésmu ténpu. Má nu sabe ma ka ta dura, Jeová ta ben liberta-nu di tudu es. — 2Co 4:16-18.

Timenti nu sta spéra pa kel dia txiga, nu ta fika konsoladu di sabe ma Jeová ta ntende nos prublémas. El ta da valor pa nos lialdadi i pamodi nu sta ta aguenta firmi. Na futuru el ta ben da-nu más bensons inda. (Je 29:11, 12) Jizus tanbê ta preokupa txeu ku kada un di nos. Óras ki nu ta lida ku prublémas, nu pode lenbra di kes palavra di Jizus: ‘N sta ku nhos’. (Mt 28:20) Óras ki nu ta para pa pensa na liberdadi ki Jeová ta ben da-nu na futuru, através di se Reinu, nos speransa ta fika más fórti i nu ta fika más disididu na aguenta firmi. — Ro 8:19-21.

ODJA VÍDIU KONSENTRA NA JIZUS TIMENTI KEL GRANDI TENPISTADI STA TA TXIGA! — BENSONS DI REINU KI STA PA BEN. DIPÔS RESPONDE KES PERGUNTA LI:

• Modi ki ómis fika siparadu di Deus i kal ki foi rezultadu?

• Ki bensons kes algen ki mante fiel pa Jeová ta ben ten na futuru?

• Modi ki nu pode ten es vida rei di sábi?

• Ki bensons ta ben ten na mundu novu ki más bu tene gana di odja ta kontise?