Uza nos feraméntas di piskiza

Jeová da-nu feraméntas pa djuda-nu inxina dretu, sima vídius, folhetus, revistas, bruxuras, livrus i nos feraménta prinsipal ki é Bíblia. (2Ti 3:16) Tanbê el da-nu feraméntas di piskiza ki ta djuda-nu splika asuntus di Bíblia. Kel-li ta inklui Watchtower Library, aplikativu JW Library^®, BIBLIOTÉKA NA INTERNET i Guia de Pesquisa para Testemunhas de Jeová.

Bu ta ten txeu alegria óras ki bu uza tudu kes feraménta li pa atxa kes jóia ki sta na Bíblia. Ka bu skese di inxina bus studanti modi ki es ta uza kes feraménta li. Asi, aes tanbê es ta fika kontenti di atxa respóstas pa perguntas ki es ten.

ODJA VÍDIU XINTI ALEGRIA NA TRABADJU DI FAZE DISIPLUS — SETA AJUDA DI JEOVÁ — UZA FERAMÉNTAS DI PISKIZA. DIPÔS RESPONDE KES PERGUNTA LI:

• 

  Kuzê ki Jael ta atxaba sobri kriason?

• 

  Undi ki Nádia piskiza más informason sobri kel asuntu?

• 

  Modi ki Nádia disidi ki matéria ki el ta mostraba Jael?

• Modi ki Nádia xinti dipôs ki el uza kes feraménta di piskiza?