Seta ajuda di Jeová i faze orason

É Jeová ki ta faze simenti di verdadi kria raís i dizenvolve na korason di un algen. (1Co 3:6-9) Pur isu, pa nu ten bons rezultadu na pregason, nu meste pidi ajuda di Jeová pa nos i pa nos studantis.

Pidi Jeová pa djuda bus studanti aguenta preson i prublémas ki pode parse na dia-dia. (Fil 1:9, 10) Pâpia ku Jeová klaru. Pidi pa spritu santu orienta kuzas ki bu ta pensa i kuzas ki bu ta faze. (Lu 11:13) Inxina bus studanti modi ki es pode faze orason, i nkoraja-s pa es faze kel-la. Ora pa es i djuntu ku es i uza ses nómi na orason.

ODJA VÍDIU XINTI ALEGRIA NA TRABADJU DI FAZE DISIPLUS — SETA AJUDA DI JEOVÁ — ORASON. DIPÔS RESPONDE KES PERGUNTA LI:

• Ki prubléma Nádia tevi ku Jael?

• Modi ki 1 Coríntios 3:6 djuda Nádia?

• Modi ki es konsigi rezolve kel situason?