Djuda bus studanti di Bíblia vense maus ábitu

Sô kes algen ki ten konportamentu linpu pode ten un amizadi fórti ku Jeová. (1Pe 1:14-16) Sima studantis di Bíblia ta ba ta vense kes mau ábitu, es pode ten un família filís, es pode ten un saúdi midjór i prende uza ses dinheru dretu.

Splika di manera klaru pamodi ki é inportanti sigi kes lei di Jeová sobri konportamentu, i pamodi ki é bon faze kel ki Jeová ta pidi-nu pa nu faze. Konsentra na djuda bus studanti di Bíblia muda ses manera di pensa, asi es ta konsigi faze vontadi di Jeová. (Ef 4:22-24) Djuda-s ntende ma ku ajuda di Jeová, es pode para di faze kes kuza mariadu ki dja es tinha txeu ténpu ta faze. (Fil 4:13) Inxina-s pidi ajuda di Jeová óras ki es ta xinti tentadu na faze kuzas mariadu. Djuda-s rekonhese i ivita situasons ki pode pô-s ta kai na tentason. Insentiva-s pa es troka kes mau ábitu pa kes atividadi ki é bon pa es. Bu ta xinti alegria óras ki bu ta odja studantis di Bíblia ta faze mudansas na ses vida ku ajuda di Jeová.

ODJA VÍDIU DJUDA BUS STUDANTI DI BÍBLIA VENSE MAUS ÁBITU. DIPÔS RESPONDE KES PERGUNTA LI:

• 

  Modi ki ansions ku Nádia mostra ma es ta kunfiaba na Jael?

• 

  Modi ki Nádia djuda Jael?

• 

  Modi ki Jael djobe ajuda di Jeová?