Djuda bus studanti di Bíblia dizenvolve amizadi ku Jeová

Jeová krê pa nu sirbi-l pamodi nu ta ama-l. (Mt 22:37, 38) É amor pa Deus, ki ta da studantis di Bíblia kel forsa ki es meste pa faze mudansas na ses vida i pa es aguenta firmi, óras ki es ta pasa pa provasons. (1Jo 5:3) É ses amor pa Deus ki ta motiva-s pa es batiza.

Djuda bus studanti di Bíblia odja ma Jeová ta ama-s. Faze-s perguntas sima: “Kuzê ki kel-li ta inxina-u sobri Jeová?” ô “Modi ki kel-li ta mostra ma Deus ta ama-u?” Djuda-s odja modi ki Jeová sta ta djuda-s. (2Cr 16:9) Konta-s modi ki Jeová dja responde bus orason i insentiva-s pa es presta atenson na modi ki Jeová dja responde ses orason. Nu ta fika txeu kontenti óras ki nu ta odja studantis di Bíblia ta mostra ma es ta ama Jeová i ma es krê ser se amigu.

ODJA VÍDIU DJUDA BUS STUDANTI DI BÍBLIA DIZENVOLVE AMIZADI KU JEOVÁ. DIPÔS RESPONDE KES PERGUNTA LI:

• 

  Ki prubléma Jael pasa pa el?

• 

  Modi ki Nádia djuda Jael?

• 

  Modi ki Jael konsigi rezolve kel prubléma?