5 TI 11 DI AGOSTU

SALMOS 70-72

Kántiku 59 i orason | Komentárius pa kumesa runion (1 min.)

TIZORUS DI PALAVRA DI DEUS

1. ‘Pâpia sobri forsa di Deus ku kel jerason ki sta pa ben’

(10 min.)

Davidi xinti proteson di Jeová kantu el éra jóven. (Sal 71:5; w22.01 p. 6 par. 15)

Davidi xinti ajuda di Jeová duránti se bedjisa. (Sal 71:9; g04-T 8/10 p. 23 par. 3)

Davidi da jóvens koraji kantu el konta-s se spiriénsia. (Sal 71:17, 18; w14-T 15/1 p. 23 pars. 4-5)

Kel mésmu família ki nu odja simana ki pasa na párti “Kuzas ki ta djuda faze Adorason na família”. Es konvida un kazal di idadi pa ses Adorason na família i es sta kontenti ta obi kel kazal ta konta ses spiriénsia i ta mostra-s fotus.

PENSA NA KEL-LI: ‘Ki irmon ô irman ki dja ten txeu ténpu ta sirbi Jeová nhos ta gostaba di entrivista na nhos Adorason na família?’

2. Jóias ki sta na Bíblia

(10 min.)

Sal 72:8 — Modi ki kel promésa ki Jeová faze Abraon na Génesis 15:18 kunpri kantu Salumon éra rei? (it-1-T p. 892)

Bu respósta
Ki jóias bu atxa na leitura di Bíblia di kel simana li?

Bu respósta

3. Leitura di Bíblia

(4 min.) Sal 71:1-24 (th studu 5)

FAZE BU MIDJÓR NA PREGASON

4. Kumesa ta pâpia ku pesoas

(3 min.) KAZA EN KAZA. Óras ki kel algen kumesa ta diskuti, tirmina kel konbérsu di un manera puzitivu. (lmd lison 4, pontu 5)

5. Faze revizitas

(4 min.) TISTIMUNHU INFORMAL. Kontinua ta pâpia ku un algen di bu família ki ka sta mutu krê studa Bíblia. (lmd lison 8, pontu 4)

6. Splika bus krénsa

(5 min.) Diskursu. ijwfq-TPO artigu 49 — Téma: Pamodi ki Tistimunhas di Jeová muda alguns kuza ki es ta kriditaba na el? (th studu 17)

VIVE SIMA UN KRISTON

Kántiku 76

7. Ideias pa Adorason na família

(15 min.) Diskursu i komentárius di ken ki sta sisti.

Kel família ki nu mostra antis sta di pé ta kanta kántikus di Reinu.

Kel família sta ta odja prugrama di JW Broadcasting.

Na Adorason na família, un di ses fidju-fémia sta na frenti di família ta trena el ku se mai modi ki el ta responde un pergunta sobri se fé.

Adorason na família é un manera inportanti di fidjus prende “disiplina i konsedju di Jeová.” (Ef 6:4) Ta iziji sforsu pa prende, má el pode ser un kuza sábi prinsipalmenti óras ki fidjus ta dizenvolve dizeju di prende verdadis di Bíblia. (Jn 6:27; 1Pe 2:2) Odja kuadru “Ideias pa Adorason na família”, pa djuda pai ku mai faze Adorason na família di un manera sábi i ki ta inxina, i dipôs faze kes pergunta li:

Kal di kes sujiston li bu ta gostaba di sprimenta?

Bu respósta
Ten algun otu kuza ki bu prende ki pode djuda-u?

Bu respósta

IDEIAS PA ADORASON NA FAMÍLIA

BÍBLIA:

Obi un gravason di leitura di Bíblia di simana ô kada algen ta lé un párti ku vós altu. Kada algen na família pode lé falas di un personájen di Bíblia.
Pripara pergunta pa faze família ku bazi na leitura di Bíblia di simana. Pidi kada algen na família pa skodje un pergunta i faze piskiza sobri el. Dipôs es pode fla kuzê ki es prende.
Faze un pergunta ô pâpia di un situason, i dipôs piskiza prinsípius na livru Testus di Bíblia ki ta djuda-nu faze vontadi di Jeová, ki nu pode aplika.
Faze un drama di un stória di Bíblia.
Kada simana faze un karton ku un testu di Bíblia. Di un ladu skrebe kel testu di Bíblia i di kel otu ladu skrebe kuzê ki el ta fla, i dipôs tenta dikora-l. Pur izénplu, uza kes testu ki sta na apéndisi 1 di bruxura Amor ta djuda na faze disiplus. Fika ta djobe kes karton di kes otu simana ki pasa.
Studa párti di un lison di livru Vive filís pa tudu ténpu!.
Dizigina un algen na família pa splika un di kes artigu di kes grupu di artigu “Respóstas pa perguntas di Bíblia” ô “Splikason di testus di Bíblia”, ki sta na kel párti “ENSINUS DI BÍBLIA” na jw.org.

RUNIONS:

Pripara un párti di runion di meiu di simana.
Pripara i trena komentárius. Marka kantu ténpu ki bu komentáriu dura.
Trena kántikus di Reinu.
Pâpia sobri kuzê ki nhos ta fla pa inkoraja un algen antis ô dipôs di runion, i dipôs nhos trena modi ki nhos ta faze-l.
Si un algen di família ten un diziginason el pode trena-l na frenti di família.

PREGASON:

Pripara pa da tistimunhu di kaza en kaza.
Pripara pa bus revizita.
Pensa na un lugar ki bu pode da tistimunhu informal i trena modi ki bu pode kumesa un konbérsu di manera animadu.
Pâpia sobri kuzê ki nhos pode faze pa omenta nhos trabadju di pregason duránti ténpu di komemorason ô duránti féria di trabadju ô skóla.

KUZAS KI FAMÍLIA MESTE:

Pâpia sobri modi ki nhos pode lida ku un situason ki pode kontise ô ki dja kontise, sima ka involve na pulítika, abuzu di kolégas, namoru, féstas ô feriadus.
Óras ki un fidju faze un pergunta, pai ku mai pode pidi-l pa el faze un piskiza sobri kel asuntu. Dipôs, fidju ta faze papel di pai ku mai i el ta rasusina ku es sobri kel asuntu.

OTUS SUJISTON:

Odja JW Broadcasting^® i dipôs pâpia sobri el.
Lé un artigu ô odja un vídiu na jw.org, i dipôs pâpia sobri el.
Pâpia sobri algun asuntu ki sta na kes párti “Jóvens” ô “Kriansas”. Pa bu atxa-s na jw.org, bai na párti “ENSINUS DI BÍBLIA”.
Djobe kes nóta ki nhos tra na kongrésu ô asenbleia i nhos pâpia di es.
Djobe ô piskiza sobri algun kuza na kriason, i dipôs pâpia sobri kuzê ki nhos prende sobri Jeová.
Di vês en kuandu konvida algun algen pa nhos Adorason na família, i dipôs nhos entrivista-l.
Nhos poi métas spritual, i dipôs nhos pâpia sobri modi ki nhos pode alkansa-s.
Nhos tenta faze algun kuza djuntu, sima arka di Nué ô studa un mapa ô un gráfiku ki sta na nos Bíblia Traduson di Mundu Novu i na nos publikasons.

Mostra VÍDIU Kontinua ta midjora bu Adorason na família. Dipôs faze kel pergunta li:

Modi ki un maridu pode faze Adorason na família di un manera ki se mudjer ta gosta, si es ka ten fidjus ô si ses fidjus ka ta mora ku es más?

Bu respósta

8. Studu di Bíblia na kongregason

(30 min.) bt kap. 13 pars. 17-24