Modi ki nu pode ser filís na ténpus difísil — Kuzê ki Bíblia ta fla?

Na es ténpu difísil ki nu sta ta vive, nu ka ta konsigi kontrola tudu kuza ki ta kontise ku nos. Má txeu bês, nos filisidadi ta dipende más di nos atitudi di ki di nos situason. Bíblia ta fla ma sikrê ku prublémas, kes algen ki ‘ten un korason kontenti, sénpri ta ten un méza xeiu.’ (Provérbios 15:15) Kuzê ki nu pode faze pa nu ser más filís? Odja modi ki konsedjus di Bíblia pode djuda-u.

Lida ku preokupason dimás

Bíblia ta fla: ‘Preokupason dimás é un karga pa korason di un ómi, má un palavra sábi ta poi korason fika kontenti.’ — Provérbios 12:25.

• Bíblia pode djuda-u lida ku preokupason dimás. Pa bu odja modi ki el pode djuda-u, lé artigu “O que a Bíblia diz sobre a ansiedade?”.

Kuzê ki pode djuda-u ka xinti bo sô

Bíblia ta fla: ‘Un amigu di verdadi ta ama tudu óra i el é un irmon ki nase pa ténpu di frónta.’ — Provérbios 17:17.

• Bíblia ten konsedjus ki pode djuda-u faze amizadis ki ta djuda-u ka xinti bo sô. Lé artigu “Faze amizadis pode djuda-u ka xinti bo sô — Modi ki Bíblia pode djuda-u?”.

Ama Deus i bu prósimu

Bíblia ta fla: “Ama Jeová, bu Deus, di tudu bu korason, di tudu bu alma i di tudu bu menti. ... Ama bu prósimu sima bu kabésa.”a — Mateus 22:37-39.

• Orason pode bira nos amor pa Deus más fórti. Pa sabe más, lé artigu “Deus ta obi nos orason?”.

• Nu ta mostra ma nu ta ama otus algen óras ki nu ta sigi kel konsedju ki é konxedu pa Régra di oru. Pa sabe más, lé artigu “Kuzê ki é Régra di oru?”.

Prende más sobri modi ki Bíblia pode djuda-u ser filís na es ténpu difísil ki nu sta ta vive. Nu ta konvida-u pa bu studa Bíblia ku nos di grasa.