Kel ki Bíblia ta fla sobri vida di Jizus é izatu?

Respósta di Bíblia

Un skritor di Bíblia ki txomaba Lúkas, fla kel-li sobri stória ki el skrebe di vida di Jizus: ‘N piskiza dretu tudu kuzas désdi komésu’. — Lucas 1:3.

Alguns ta fla ma na anus 300 D.J, mudadu kes stória sobri vida di Jizus ki skrebedu na Ivanjélhus pa Mateus, Markus, Lúkas i Juan, ki éra kuatu ómi ki vive na ténpu di Jizus.

Má, atxadu un padás di Ivanjélhu di João na komésu di anus 1900, na Ijitu. Gósi el é konxedu pa Papiru Rylands 457 (P⁵²) i el guardadu na bibliotéka John Rylands na Manchester, Inglatéra. El tene kuzê ki nu ta atxa na João 18:31-33, 37, 38 na Bíblias di nos ténpu.

Kel-li é kel padás di Skrituras Gregu más antigu ki konxedu. Txeu studiozu ta atxa ma el skrebedu pa vólta di anu 125 D.J., ki ta da ménus di 30 anu dipôs ki Juan skrebe se ivanjélhu. Kel testu ki sta na Papiru Rylands, é kuazi igual ku kes otu ki kopiadu dipôs.