Dór di perde un algen ki bu ta ama

“Dipôs ki Sufia,a nha mudjer, luta ku un duénsa pa txeu ténpu, el móre. Dja nu tinha más di 39 anu kazadu kantu kel-li kontise. Nhas amigu djuda-m txeu i N tenta mante okupadu. Má duránti un anu, N xinti la na txon. Ten óras ki N ta staba dretu, má dirapenti N ta fikaba tristi otu bês. Dja pasa uns três anu, má ti inda di vês en kuandu, N ta xinti un tristéza ki ta toma kónta di mi.” — Kostas.

Dja kustuma more-u un algen ki bu ta ama? Si kel-li dja kontise, talvês bu xinti sima Kostas. Ten poku kuza ki ta poi un algen ta xinti tantu dór ô tristéza sima mórti di un maridu ô mudjer, di un família ô di un amigu. Kes spesialista ki ta studa kel dór ki un algen ta xinti óras ki more-l un algen ta konkorda ku kel-li. Un artigu ki publikadu na un revista di pisikolojiab na Mérka, ta mostra ma mórti é kel piór dór ki pesoas pode pasa pa el, pamodi es ta xinti ma nunka más es ka ta odja kel algen. Óras ki un algen ta lida ku kel tipu di dór li, talvês el ta pergunta: ‘Ti ki ténpu ki N ta xinti si? Algun dia N ta ser filís otu bês? Kuzê ki pode djuda-m xinti midjór?’

Na es revista, nu ta ben responde kes pergunta li. Na kel otu artigu nu sta ben odja kuzê ki bu pode pasa pa el si ka dura li more-u un algen ki bu ta ama. Kes otu artigu ta ben da-u alguns konsedju ki pode djuda-u lida ku bu dór.

Nu ta spéra ma kel revista li ta konsola i ta djuda tudu kes algen ki sta ta pasa pa kel situason difísil li.