PÁRTI 8

Modi ki mórti di Jizus ta djuda-u?

Jizus móre pa nu pode vive pa tudu ténpu. João 3:16

Mudjeris ta djobe pa sipultura di Jizus ki sta vaziu

Três dia dipôs ki Jizus móre, alguns mudjer bai vizita kel lugar undi Jizus staba sipultadu i es ka atxa nada la. Jeová dja resusitaba el.

Jizus parse pa ses apóstlus i dipôs el bai pa Séu

Más tardi Jizus parse pa se apóstlus.

Jeová resusita Jizus ku un korpu spritual. El da-l txeu puder i un vida pa el ka móre más. Se disiplus odja-l ta subi pa Séu.

**Jeová resusita Jizus i El skodje-l pa ser Rei di se Reinu. Daniel 7:13, 14**

Jizus xintadu na tronu na se Reinu, ta governa pesoas na Paraízu na Téra.

Jizus da se vida pa salva tudu algen na mundu. (Mateus 20:28) Ku mórti di Jizus, Deus da-nu xansi pa nu vive pa tudu ténpu.

Jeová skodje Jizus pa ser Rei i pa el governa Téra. Djuntu ku el ta ben sta 144 mil algen fiel ki skodjedu di Téra i ki ta ser resusitadu pa ba vive na Séu. Jizus ku kes 144 mil ta faze párti di un govérnu justu na Séu, ki é Reinu di Deus. — Apocalipse 14:1-3.

Reinu di Deus ta ben bira Téra un paraízu. Géra, krimi, pobréza i fómi ka ta ben ten más. Tudu algen ta ser filís di verdadi. — Salmo 145:16.