KÁNTIKU 137
Mudjeris di fé
Formatu di livru na papel
(Romanos 16:2 )
1. Sara, Maria, Ruti,‿Ester i otus
Éra mudjeris ki da Jeová lovor.
Es foi izénplu di fé i di amor,
Através di Bíblia tudu nos konxe-s.
Otus nu ka sabe di ses nómi,
Má es mostra txeu fé i Deus ta lenbra d’es.
2. Zelu, amor, koraji i bondadi
Éra kes kuza bunitu déntu d’es.
Ses kualidadi nu krê tanbê tene-s.
Es foi bon izénplu di mudjer kapás.
Oji nos irmans ki nu ta ama
Ten kel mésmu spritu i nu krê imita-s.
3. Tudu irmans kazadu ô soltera
Sta sirbi Deus ku kel mésmu‿amor lial.
Un kuza k’é ses beleza prinsipal
É kel spritu mansu‿i kalmu ki es ten.
Nos irmans, ka nhos dizisti nunka,
Nhos aguenta firmi, txeu benson sta pa ben.
(Odja tanbê Fil. 4:3; 1 Tim. 2:9, 10; 1 Ped. 3:4, 5.)