Inxina di un manera sinplis

Kuzê ki Jizus faze

VÍDIU: Jizus faze un Ilustrason pa mostra modi ki nos Pai ta kuida di nos

1. Odja VÍDIU, ô lé Mateus 6:25-27. Dipôs pensa i responde kes pergunta li:

1. Ki ilustrason Jizus uza pa mostra modi ki Jeová ta kuida di nos?

2. Enbóra Jizus sabia txeu kuza sobri pasus, na ki kuza sinplis ki el konsentra? Pamodi ki kel-la foi un bon manera di inxina?

Kuzê ki nu ta prende ku Jizus?

2. Óras ki nu ta inxina di un manera sinplis, kes algen ta lenbra di kuzê ki nu inxina-s i nu ta toka ses korason.

Imita Jizus

3. Ka bu pâpia txeu. Envês di fla tudu kel ki bu sabe sobri un asuntu, konsentra na kuzê ki kel publikason di studu ta fla. Dipôs di faze un pergunta, spera ku paxénxa pa bu studanti responde. Si el ka sabe respósta di kel pergunta ô el fla algun kuza ki ka sta di akordu ku Bíblia, faze-l otus pergunta pa djuda-l rasusina sobri kel asuntu. Óras ki bu studanti dja intende kel pontu prinsipal, pasa pa otu asuntu.

4. Djuda bu studanti liga kuzê ki el sta ta prende ku kuzê ki dja el prendeba antis. Pur izénplu, antis di kumesa un lison sobri resureison, bu pode faze un rezumu ku bu studanti pa djuda-l lenbra di kuzê ki dja el prende na Bíblia sobri mortus.

5. Uza ilustrasons ku kuidadu. Antis di uza un ilustrason, pergunta bu kabésa:

1. ‘Kel ilustrason li é sinplis?’

2. ‘Ta ba ser fásil pa nha studanti intende-l?’

3. ‘El ta ba djuda nha studanti lenbra di kel pontu prinsipal envês di lenbra sô di kel ilustrason?’