Óras ki bu perde alegria di vive

Pur izénplu, Suzanaa di Mérka, perde kuazi tudu kuza ki el tinha pamodi un furakon. El fla: “N ka sabe si N ta aguentaba más. Tinha dias ki N ta xintiba ma dja N txigaba na nha limiti.”

Janise di Austrália, ki se dôs fidju móre, fla: “Kantu es móre, N perde vontadi di vive. N pidi Deus: ‘Nha korason ka ta aguenta más. N krê sô durmi i ka korda más.’”

Daniel fika dizorientadu kantu se mudjer trai-l. El fla: “Kantu nha mudjer fla-m ma el trai-m é sima si N dadu un fakada. Kel dór li dura txeu mês.”

Kel revista li ta mostra modi ki bu pode rekupera alegria di vive sikrê bu sta ta pasa pa alguns di kes prubléma li:

• Dizastri na naturéza

• Mórti di un algen ki bu ta ama

• Traison na kazamentu

• Duénsa gravi

• Depreson

Má primeru, kuzê ki nu pode faze óras ki kontise un dizastri na naturéza?