Midjora bu manera di prega — Dexa un asuntu pa fala na revizita

PAMODI KI É INPORTANTI:

Nu krê ‘rega’ simentis ki nu planta. (1Co 3:6) Óras ki nu atxa un algen ki mostra interesi, é bon nu faze un pergunta pa responde na revizita. Asi nu ta dexa kel algen ku gana sabe respósta i ta djuda-nu pripara pa revizita. Óras ki nu volta, nu pode fla-l ma nu ba vizita-l otu bês pa nu mostra-l respósta di kel pergunta ki nu fazeba el antis.

MODI KI TA FAZEDU:

• Óras ki bu ta pripara aprizentason ki bu sta ba faze di kaza en kaza, pensa na un pergunta ki bu pode responde na revizita. Pode ser un pergunta ki sta na publikason ki bu sta ba oferese ô na otu publikason di studu ki bu krê uza na revizita.

• Óras ki dja bu kaba di pâpia ku algen ki mostra interesi, faze-l kel pergunta ki bu pripara i fla-l ma bu ta gostaba di pasa la otu bês pa nhos fala di kel asuntu. Si da, toma se nunbru di tilifóni.

• Si bu marka un dia i un óra pa bu torna bai, kunpri bu palavra. —  Mt 5:37.