Midjora bu manera di prega — Na faze revizita

PAMODI KI É INPORTANTI: Txeu algen ki ta mostra interesi na mensaji di Reinu sta ta buska verdadi sobri Deus. (Is 55:6) Má, pa nu djuda-s konxe verdadi nu meste inxina-s poku-poku i kontinua ta vizita-s. Es ta pasa pa txeu tipu di prublémas, pur isu nu meste uza asuntus ki ta interesa kada un di es. Nu pode ten midjór rezultadu si nu pripara dretu i nu poi un méta pa kada bês ki nu vizita-s. Sénpri nos obijetivu debe ser kumesa un studu di Bíblia.

MODI KI TA FAZEDU:

• Sforsa pa bu volta faxi, poku dias dipôs. — Mt 13:19.

• Ser sinpátiku i mostra ruspetu. Tanbê tenta pâpia di manera kalmu.

• Kunprimenta-l sima un amigu. Txoma-l pa se nómi. Fla-l pamodi ki bu sta la. Pode ser pa responde-l un pergunta, pa leba-l un revista novu, pa mostra-l nos site, pa mostra-l un vídiu ô pa mostra-l modi ki ta fazedu un studu di Bíblia. Si kel algen pâpia di otu kuza ki ta interesa-l, pâpia di kel asuntu. — Fil 2:4.

• Rega simenti di verdadi ki bu planta na se korason. Bu pode faze kel-li, óras ki bu ta le-l un testu di Bíblia i dexa-l un publikason. (1Co 3:6) Tenta faze amizadi ku el.

• Dexa un asuntu pa pâpia na otu vizita.