Séu novu i téra novu ta ben traze txeu alegria

Na Isaías kapítlu 65 Deus promete ma el ta ben konpo Téra. Jeová ten tantu sertéza na se promésa ki el ta pâpia di el sima ki dja el faze-l.

Jeová ta kria un séu novu i un téra novu, kuzas di pasadu ka ta ben lenbradu más

65:17

Kuzê ki é kel séu novu?

• É un govérnu novu ki ta ben traze justisa na Téra

• Kel govérnu novu kumesa ta governa na anu di 1914 kantu Jizus bira Rei di Reinu di Deus

Kuzê ki é kel téra novu?

• É pesoas di tudu nason, língua i rasa ki ta seta di korason kel governanti di nóvu govérnu na Séu

Modi ki kuzas di pasadu ka ta ben lenbradu di es más?

• Kuzas ki ta traze-nu lenbransa di tristéza, sima sufrimentu pamodi pekadu, ka ta ben ten más

• Kes algen fiel ta ben goza tudu ses vida i kada dia ki pasa es ta guarda na ses korason lenbransa di kuzas sábi ki kontise ku es