Kenha ki é bus amigu na internet?

Un amigu é “un algen ki sta ligadu ku kel otu algen pamodi amizadi ô pamodi el gosta di el.” Pur izénplu, dipôs ki Davidi mata Gulias, Jonatan ku Davidi kumesa ta ten un amizadi fórti. (1Sa 18:1) Kada un di es tinha kualidadis ki ta poba es ta krê ser amigu di kunpanheru. Nton, pa dôs algen ten un amizadi fórti, es meste konxe kunpanheru dretu. Normalmenti ta leba ténpu i ta iziji sforsu pa konxe un algen. Má, na redi sosial basta algen klika na un boton, es ta bira “amigu” di kunpanheru. Dja ki na internet pesoas ta konsigi kontrola kuzê ki es ta fla i modi ki otus algen ta odja-s, é más fásil es sukundi kenha ki es é di verdadi. Pur isu, é bon toma kuidadu ku ki tipu di algen ki bu ta skodje pa ser bus amigu na internet. Ka bu xinti medu di ka seta pididus di amizadi di kes algen ki bu ka konxe dretu, sô pamodi medu di magua ses sentimentu. Pamodi prigus ki pode ten, alguns algen disidi ka uza redi sosial. Nton, si bu disidi uza redi sosial, kuzê ki bu debe pensa na el?

ODJA VÍDIU TOMA KUIDADU ÓRAS KI BU TA UZA REDI SOSIAL. DIPÔS RESPONDE KES PERGUNTA LI:

• 

  Kuzê ki bu debe pensa na el antis di poi un fotu ô faze un komentáriu na internet?

• 

  Pamodi ki bu debe skodje ku kuidadu bus amigu na internet?

• 

  Pamodi ki bu debe poi un limiti di kantu ténpu bu ta pasa na redi sosial? — Ef 5:15, 16