VIVE SIMA UN KRISTON
“Nhos fika kontenti ku kes kuza ki nhos ten”
Si nos é póbri, nu pode xinti tentadu na faze algun kuza, ki pode straga nos amizadi ku Jeová. Pur izénplu, talvês pode parse un oportunidadi di ganha txeu dinheru, má kel-li pode prujudika nos sirvisu pa Jeová. Midita na kuzê ki Ebreus 13:5 ta fla pode djuda-nu.
“Nhos manera di vive debe sta livri di amor pa dinheru”
Faze orason i djobe dretu kuzê ki bu ta pensa sobri dinheru. Pensa na ki izénplu ki bu sta ta da pa bus fidju. — g-T 9/15 p. 6.
“Nhos fika kontenti ku kes kuza ki nhos ten”
Djobe dretu kuzê ki bu meste di verdadi. — w16.07-T p. 7 pars. 1-2.
“Nunka N ka ta dexa-u i nunka N ka ta bandona-u”
Kunfia ma Jeová ta djuda-u ten kes kuza ki bu meste pa bu vive si bu kontinua ta poi Reinu na primeru lugar. — w14-T 15/4 p. 21 par. 17.
ODJA VÍDIU MODI KI NOS IRMONS STA KONTINUA KU PAS SIKRÊ KU FALTA DI DINHERU. DIPÔS RESPONDE KEL PERGUNTA LI:
Kuzê ki bu prende ku spiriénsia di Miguel Novoa?