Studa di un manera ki ta djuda-u mante sienti

Lé Daniel 9:1-19 pa odja pamodi ki é inportanti studa ku kuidadu.

Prende más sobri kuzê ki kontise antis i dipôs. Kuzê ki kontiseba dja tinha poku ténpu i modi ki Daniel xinti pamodi kes kuza? (Dan. 5:29–6:5) Si bo éra Daniel, modi ki bu ta xintiba?

Djobe más informason. Ki ‘livrus’ sagradu talvês Daniel djobe? (Dan. 9:2, nóta di rodapé; w11-T 1/1 p. 22 par. 2) Pamodi ki Daniel konfesa se pekadus i pekadus di nason di Israel? (Lev. 26:39-42; 1 Reis 8:46-50; dp-T pp. 182-184) Modi ki orason di Daniel ta mostra ma el ta studaba Palavra di Deus dretu? — Dan. 9:11-13.

Ki lisons ki bu prende. Pensa na kes pergunta li:

• ‘Modi ki N pode ka dexa kuzas ki sta kontise na mundu distrai-m?’ (Miq. 7:7)

• ‘Ki bons rezultadu N ta ten si N studa Palavra di Deus dretu sima Daniel?’ (w04-T 1/8 p. 12 par. 17)

• ‘Ki asuntus N pode studa na nha studu pesoal ki pode djuda-m kontinua ta “mante sienti”?’ (Mat. 24:42, 44; w12-T 15/8 p. 5 pars. 7-8)