Kuzas terível ki ta kontise pamodi géra

“Tudu óra bu ta odja pesoas ta matadu ô ta panha pankada gravi. Nunka bu ka ta xinti suguru.” — Gary, Inglatéra.

“N dadu tiru na kósta i na róstu, i N odja txeu algen mortu, kel-li ta inklui kriansas i algen di idadi. Géra ta dexa-u ku korason duru.” — Wilmar, Kulónbia.

“Óras ki algen ta dadu tiru na bu frenti, nunka más bu ka ta skese di kel-la. Sénpri bu ta lenbra di odja i obi kel algen ta sufri. Nunka bu ka ta skese di kel algen.” — Zafirah, Mérka.

“N ta xintiba sima si nunka N ka ta pode ser filís otu bês. Bu ta xinti medu di móre, má bu ta xinti más medu inda si bus família i bus amigu matadu.” — Oleksandra, Ukránia.

“É terível sta na un fila di dôs óra di palmanhan ti 11 óra di noti, i bu ka sabe ki óra un tiru pode panha na bo.” — Daler, Tajikistan.

“Pamodi géra N fika sen nha mai ku nha pai. N fika órfon i N ka tinha ningen pa konsola-m ô pa kuida di mi.” — Marie, Ruanda.