Nu pode prende txeu ku kes imajen na nos publikason

Nos publikason ten txeu fotu ku dizenhus ki ta inxina-nu pontus inportanti. Modi ki bu pode uza kes imajen pa djuda-u?

• Odja pa kes fotu ku dizenhu antis di bu lé kel artigu. Kes imajen pode dexa-u ku más kuriozidadi i motiva-u pa bu lé kel artigu. Óras ki bu ta odja un kumida sábi na un pratu bu ta fika ku más vontadi di “kume-l”. Di mésmu manera, bu ta fika ku más vontadi di lé un artigu, si bu odja kes imajen primeru. Nton, antis di bu lé un artigu, faze kel pergunta li: ‘Kuzê ki N sta ta odja na kes imajen di es artigu?’ — Amós 7:7, 8.

• Sima bu ta ba ta lé kel artigu, pensa na pamodi ki skodjedu kes imajen. Lé kes lejenda i splikason di fotus si ten. Pensa na modi ki kel imajen i kel parágrafu sta ligadu ku kunpanheru i modi ki bu pode aplika kuzê ki bu prende di kel imajen na bu vida.

• Dipôs di lé, uza kes imajen pa bu lenbra di kes pontu inportanti di kel artigu. Dipôs, fitxa odju i tenta lenbra di kes imajen i kuzê ki bu prende ku es.

• Odja pa kes imajen ki ta parse na kel revista li otu bês i odja si bu ta konsigi lenbra di kes kuza ki bu prende.