Nu debe kulpa Deus pa nos sufrimentu?

Respósta di Bíblia

Bíblia ta fla klaru ma nau! Kantu Jeová kria ómi el ka kreba pa el sufri. Má, kel primeru kazal umanu rabela kóntra govérnu di Deus, i es fika ta disidi di es pa es kuzê ki é dretu ku mariadu. Es bandona Deus i es sufri ku rezultadu di ses disizon.

Oji nu sta ta kodje rezultadus di kel mau disizon ki es toma. Má, é ka Deus ki ta pô-nu ta sufri.

Bíblia ta fla: ‘Óras ki algen sta pasa pa provason, el ka debe fla: ‘É Deus ki sta pô-m na próva.’ Pamodi pa kuzas mariadu, Deus ka ta provadu, nen el ka ta poi ningen na próva.’ (Tiago 1:13) Tudu algen ta sufri, ti mésmu kes algen ki Deus gosta di es.