Midjora bu manera di prega — Da tistimunhu pa tilifóni

PAMODI KI É INPORTANTI: Tistimunhu pa tilifóni é un manera inportanti di ‘da un tistimunhu konplétu di notísias sábi’. (At 20:24)a El ta djuda-nu da tistimunhu óras ki situason ka ta dexa-nu vizita algen pa pâpia ku es.

MODI KI TA FAZEDU:

• 

  Pripara. Skodje un asuntu ki ta interesa pesoas. Skrebe un ideia di kuzê ki bu krê fla. Tanbê bu pode pripara kuzê ki bu krê fla pa splika pamodi ki bu sta txoma, si bu ten ki dexa un mensájen. É midjór bu xinta na méza ku kel ideia ki bu skrebe i otus kuza ki bu ta meste, sima un telemóvel ô tablet ku aplikativu JW Library^® ô site jw.org^®

• 

  Fika kalmu. Pâpia di manera normal. Da un sorizu i faze jéstus sima ki bu sta frenti di kel algen. Ka bu faze pauza sen nisisidadi. Trabadja djuntu ku otu algen ta djuda-u. Óras ki kel algen ki bu sta pâpia ku el faze-u un pergunta, ripiti kel pergunta ku vós altu asi pa kel algen ki sta trabadja ku bo pode djuda-u atxa respósta.

• 

  Dexa un asuntu pa revizita. Si kel algen ki bu sta pâpia ku el mostra interesi, bu pode dexa un pergunta pa responde na otu bês ki bu txoma-l. Tanbê bu pode pergunta-l si bu pode manda-l un publikason pa e-mail, pa koreiu ô leba-l el. Ô bu pode pergunta-l si el krê pa bu manda-l un di nos artigu ô vídiu pa mensájen ô pa e-mail. Óras ki ta fika dretu, pâpia ku kel algen sobri algun kuza ki sta na nos site.