LISON 25

Ki tipu di vida Deus krê pa nu ten?

Formatu di livru na papel

Bíblia ta fla ma nos vida é ‘kurtu i xeiu di preokupason.’ (Jó 14:1) É kel vida li ki Deus krê pa nu ten? Si é ka kel-li, nton ki vida el krê pa nu ten? Algun dia nu pode vive sima el krê? Bu ta fika kontenti di sabe kuzê ki Bíblia ta fla sobri kel-li.

1. Ki tipu di vida Jeová krê pa nu ten?

Jeová krê pa nu ten kel midjór vida ki ten. Kantu Deus faze primeru ómi ku mudjer, Adon ku Eva, el pô-s na un paraízu bunitu ki txomaba jardin di Éden. Dipôs ‘Deus abensua-s i Deus fla-s: “Nhos ten fidjus i nhos bira txeu; nhos intxi Téra i nhos manda na el”’. (Génesis 1:28) Jeová kreba pa es tinha fidju, pa es biraba Téra interu un paraízu i pa es kuidaba di animal. Se vontadi éra pa tudu algen tinha bon saúdi i pa es viveba pa tudu ténpu.

Nbóra kuzas ka kontise sima Deus kreba,a se vontadi ka muda. (Isaías 46:10, 11) Inda Deus krê pa kes algen ki ta obi ku el ten un vida perfetu pa tudu ténpu. — Lé Apocalipse 21:3, 4.

2. Modi ki nu pode ten un vida ku obijetivu gósi?

Jeová faze-nu ku ‘nisisidadi spritual’, ô ku dizeju di konxe-l i adora-l. (Lé Mateus 5:3-6.) El krê pa nu ten un amizadi fórti ku el, ‘pa nu anda sénpri na se kaminhus, pa nu ama-l’ i pa nu sirbi-l ‘di tudu nos korason’. (Deuteronómio 10:12; Salmo 25:14) Si nu faze si, nu ta xinti alegria di verdadi sikrê nu sta pasa pa prublémas. Óras ki nu ta adora Jeová, nu ta xinti ma nos vida ten obijetivu, dja ki nu sta vive di manera ki el krê.

SABE MÁS

Prende modi ki Jeová mostra ma el ta ama-nu txeu kantu el pripara Téra pa nos. Prende tanbê kuzê ki Bíblia ta inxina sobri obijetivu di vida.

Adon ku Eva sta ta odja pa ses jardin bunitu ki sta xeiu di planta i animal.

3. Jeová krê pa nu ten un vida rei di sábi

Odja VÍDIU, i dipôs pâpia sobri kel pergunta li:

VÍDIU: Pamodi ki Deus kria Téra? — sô un párti (1:41)

Pamodi ki Deus kria Téra di un manera bunitu?

Lé Eclesiastes 3:11, i dipôs pâpia sobri kel pergunta li:

Kuzê ki kel-li ta inxina-u sobri Jeová?

4. Vontadi di Jeová ka muda

Lé Salmo 37:11, 29 i Isaías 55:11, i dipôs pâpia sobri kel pergunta li:

Modi ki nu sabe ma kuzê ki Jeová krê pa nos ka muda?

1. Un kaza ki sta stragadu. Tétu sta ta kai, janéla sta kebradu i frenti di kaza sta xeiu di lixu. — Un kaza ki stragadu pode konpodu otu bês. Di mésmu manera, algen sta ta straga Téra, má Deus ta ben konpo-l pa kes algen ki ta ama-l.

2. Kel mésmu kaza gósi sta konpodu, sta bunitu i frenti di kaza sta ben kuidadu. — Un kaza ki stragadu pode konpodu otu bês. Di mésmu manera, algen sta ta straga Téra, má Deus ta ben konpo-l pa kes algen ki ta ama-l.

5. Nos vida ta ten obijetivu si nu adora Jeová

Sabe ma nos vida ten obijetivu ta da-nu filisidadi. Odja VÍDIU, i dipôs pâpia sobri kel pergunta li:

VÍDIU: N prende kal ki é obijetivu di vida (5:03)

Kantu Terumi prende kal ki é obijetivu di vida, modi ki kel-li djuda-l?

Lé Eclesiastes 12:13, i dipôs pâpia sobri kel pergunta li:

Dja ki Jeová dja faze txeu kuza pa nos, modi ki nu pode mostra-l nos gratidon?

UN ALGEN PODE PERGUNTA: “Kal ki é obijetivu di vida?”

Modi ki bu ta respondeba?

REZUMU

Jeová krê pa nu ten un vida perfetu i pa nu vive pa tudu ténpu na Téra. Óras ki nu adora-l di tudu korason, nu ta ten un vida ku obijetivu mésmu gósi.