‘Pa bu Reinu ben’ — Un pididu ki milhons di algen ta faze na orason
Dja bu kustuma faze orason ta pidi pa Reinu di Deus ben? Dja ten txeu ténpu ki milhons di algen ta pidi ‘pa Reinu ben’. Pamodi ki es ta faze kel orason li? Pamodi Jizus fla se sigidoris pa es faze orason ta pidi pa Reinu di Deus ben.
Na komésu, sigidoris di Jizus ka ta ntendeba tudu kuza ki el ta flaba sobri Reinu. Un bês, es pergunta Jizus: “Sinhor é des bes li ki Nhu ta torna da Izrael si reinu?” Talvês es fika spantadu pamodi Jizus ka da-s un respósta ki es staba ta spéra. (Atus 1:6, 7, Bíblia Na Prugrésu Di Traduson Pa Lingua Kabuverdianu, BPK ) Má, kel-li krê fla ma nu ka ta pode ntende kuzê ki é Reinu di Deus i na ki ténpu ki el ta ben? Klaru ki nau!
Kel Sentinéla li ta ben djuda-u atxa respósta di kes pergunta li:
Pamodi ki nu meste di Reinu di Deus?
Ken ki é Rei di Reinu di Deus?
Ki ténpu ki Reinu di Deus ta ben governa Téra?
Kuzê ki Reinu di Deus ta ben faze?
Pamodi ki nu debe skodje apoia Reinu di Deus gósi?
Kuzê ki é Reinu di Deus?