Jizus “prende ser obidienti”

Jizus sénpri obi ku Jeová. (Juan 8:29) Nton, pamodi ki Bíblia ta fla ma “el prende ser obidienti pamodi kes kuza ki el sufri”? — Ebr. 5:8.

Timenti Jizus staba na téra, el pasa pa situasons ki nunka el ka pasaba pa el na séu. Pur izénplu, el kria ku un mai i ku un pai ki ta amaba Jeová, má ki éra inperfeitu. (Luk. 2:51) El sufri na mô di kes xéfi di relijion ki éra mau i di governantis injustu. (Mat. 26:59; Mar. 15:15) Alén di kel-li “el rabaxa i el bira obidienti ti ki el móre.” — Flp. 2:8.

Kes kuza li inxina Jizus ser obidienti di un manera ki nunka el ka prendeba na séu. Pur isu, el bira un Rei i Saserdóti Prinsipal perfeitu ki pode mostra-nu konpaxon. (Ebr. 4:15; 5:9) Jeová pasa ta da Jizus mutu más valor inda dipôs ki el prende ser obidienti através di kuzas ki el sufri. Nos tanbê nu pode pasa ta ten mutu más valor pa Jeová i el pode uza-nu pa nu faze kalker diziginason ki el da-nu óras ki nu kontinua obidienti sikrê nu pasa pa situason difísil. — Tia. 1:4.