Cheekʼam Eere Rikʼinebʼ li Propeet: laj Amos
1. Chanru truuq qatenqʼankil li kixkʼul chaq laj Amos?
1 Saʼ xkʼabʼaʼ naq nebʼaʼat malaj maakʼaʼ aatzolbʼal, maare nakaakʼoxla naq moko wank ta aakʼulubʼ re xpuktesinkil li chaabʼil esilal. Wi joʼkan nakaakʼoxla, maare li kixkʼul laj Amos tixkawresi aachʼool. Laj Amos moko kixnimobʼresi ta xwankil, kikʼanjelak re xkʼaakʼalenkilebʼ li karneer ut wank sut kixbʼaanu jalan chik li kʼanjel. Abʼan kisikʼeʼk ru xbʼaan li Jehobʼa re naq tixkʼe chi naweʼk jun li nimla esil (Amos 1:1; 7:14, 15). Saʼebʼ li qakutan li Jehobʼa naroksi ajwiʼ li inkʼaʼ nekeʼxnimobʼresi ribʼ (1 Cor. 1:27-29). Chan chik ru truuq qatenqʼankil li kixkʼul chaq laj Amos naq tqapuktesi li chaabʼil esilal?
2. Kʼaʼut nokooruuk xkuybʼal naq xikʼ nokooʼeʼril saʼ li puktesink?
2 Maajunwa Kixtzʼeqtaana li Yos usta Kirahobʼtesiik. Naq laj Amos kixkʼe chi naweʼk li resil li Yos chiru li 10 chi teep re Israel, laj Amasias, laj tij li yook chaq xloqʼoninkilebʼ li pechʼbʼil yos, kixye re laj Amos naq xikaq ut xkanabʼaq saʼ xyaalal li tenamit xbʼaan naq ak wankebʼ xpaabʼal (Amos 7:12, 13). Ut re naq laj Amos inkʼaʼ chik tkanabʼaaq xbʼaanunkil li xkʼanjel li Yos, laj Amasias kiyoobʼank aatin chirix, chiru li awabʼej Jeroboan (Amos 7:7-11). Abʼan laj Amos inkʼaʼ kixuwak chiruhebʼ. Saʼebʼ li qakutan, wankebʼ laj kʼamol bʼe saʼebʼ li paabʼal nekeʼxsikʼ xtenqʼankil rikʼinebʼ li awabʼej re xrahobʼtesinkil li xtenamit li Yos. Abʼanan, joʼ naxye li Jehobʼa maakʼaʼ naxye kʼaru teʼroksi re qarahobʼtesinkil, moko teʼruuq ta qasachbʼal chi junajwa (Is. 54:17).
3. Bʼar wank wiibʼ rehebʼ li esil naqakʼe chi naweʼk saʼebʼ li qakutan?
3 Kixkʼe Resil li Raqok Aatin ut li Osobʼtesink li Tixkʼam chaq li Yos. Usta laj Amos kixkʼe chaq resil naq li Yos traqoq aatin saʼ xbʼeen li 10 chi teep re Israel, naq kiraqeʼk xtzʼiibʼankil li xhu kixtzʼiibʼa naq li Yos trosobʼtesi li xtenamit ut tixbʼaanu ajwiʼ naq teʼsutqʼiiq saʼ xnaʼajebʼ (Amos 9:13-15). Laaʼo naqapuktesi ajwiʼ resil «li raqbʼa aatin» li tixkʼam chaq li Yos, abʼan aʼin yal jun rehebʼ li esil li naqakʼe chi naweʼk chirix «li chaabʼil esilal» (2 Ped. 3:7; Mat. 24:14). Naq teʼosoʼq saʼ li Armagedon li maaʼusebʼ xnaʼlebʼ, aʼan tte-oq bʼe re naq tchʼinaʼusoʼq chixjunil li Ruuchichʼochʼ (Sal. 37:34).
4. Kʼaru nokooxtenqʼa chi xnawbʼal naq tooruuq xbʼaanunkil li Rajom li Jehobʼa?
4 Naq inkʼaʼ naqakanabʼ xpuktesinkil li resil li Xʼawabʼejilal li Yos usta yookebʼ qarahobʼtesinkil, naqakʼutbʼesi naq naqaj xbʼaanunkil li xqayeechiʼi re li Jehobʼa ut naq naqaj xbʼaanunkil li Rajom (Juan 15:19). Usta yaal aʼin, chʼolchʼo chiqu naq li Jehobʼa maajunwa tixkanabʼ qatenqʼankil re naq tooruuq xbʼaanunkil li Rajom joʼ kixbʼaanu laj Amos (2 Cor. 3:5).