Laj Job naxye li rahilal li yook xkʼulbʼal

Usta laj Job wank saʼ nebʼaʼil, kikamk li ralal xkʼajol ut jwal yaj, maajunwa kixtzʼeqtaana li Yos. Joʼkan naq, laj Tza kixbʼaanu naq jwal trahoʼq saʼ xchʼool laj Job ut chi joʼkan tixkanabʼ xpaabʼankil li Yos. Keʼwulak li oxibʼ chi ramiiw li keʼxbʼaanu ribʼ naq rahebʼ ajwiʼ saʼ xchʼool. Ut moko keʼxkʼojobʼ ta xchʼool chiru li wuqubʼ kutan naq keʼwank chi chunchu chixkʼatq. Ut naq keʼok chi aatinak rikʼin, keʼroksi kawil aatin.

Laj Job maajunwa kixtzʼeqtaana li Jehobʼa usta kixkʼul li nimla rahilal

6:3; 7:16; 9:20-22; 10:1, 12

• Xbʼaan chixjunil li xrahobʼtesinkil laj Job moko kikʼoxlak ta chik chiʼus. Joʼkan naq, saʼ jun kutan kixye naq li Yos maakʼaʼ naraj re ma tixpaabʼ malaj inkʼaʼ tixpaabʼ.

• Saʼ xkʼabʼaʼ naq xnumtaak wiʼ chik li xchʼaʼajkilal, moko kiruuk ta xkʼoxlankil bʼar tawiʼ chalenaq li xrahilal.

• Usta jwal ra saʼ xchʼool laj Job, kixye rehebʼ laj qʼabʼahom naq nim li xrahom chirix li Jehobʼa.