Qakʼutaq li yaal

Chalen li po Septiembre, li Xhuhil li qachʼutam tixkʼam chaq jun li akʼ kʼutbʼesink, li tixkʼabʼaʼi «Qakʼutaq li yaal». Naqaj xkʼutbʼal jun rehebʼ li xbʼeen naʼlebʼ li naxkʼut li Santil Hu rikʼin jun li patzʼom ut jun raqal li Santil Hu.

Wi naqil naq li poyanam kiwulak chiru li esil, tqakanabʼ jun li tasal hu malaj tqakʼut chiru jun li bʼideo li wank saʼ jw.org. Minumeʼk naabʼal kutan re naq tqulaʼani wiʼ chik. Li akʼ kʼutbʼesink t-isimanq saʼebʼ li tzolom re li hu Kʼaru naxchʼolobʼ? Saʼ xchaqʼalil ru ebʼ li tzolom aʼin wank jalan chik ebʼ li raqal li Santil Hu li tooxtenqʼa chi rulaʼaninkilebʼ malaj xtzolbʼalebʼ li qas qiitzʼin kaʼajwiʼ rikʼin li Santil Hu.

Jun ajwiʼ li bʼe li nakʼamok saʼ li yuʼam (Mt 7:13, 14). Saʼ xkʼabʼaʼ naq jalan jalanq xpaabʼalebʼ ut xwanjikebʼ li qas qiitzʼin tento tqasikʼ chanru twulaq chiruhebʼ li yaal (1Ti 2:4). Wi junelik naqoksi li jalan jalanq chi naʼlebʼ chirix li Santil Hu ut naqoksi ajwiʼ li aatin chirix li yaal, twulaq chiqu xbʼaanunkil li kʼanjel ut tqataw rusilal xkʼutbʼal li yaal chiruhebʼ li poyanam (2Ti 2:15).