XCHAQʼALIL RU LI RAATIN LI YOS | ISAIAS 1-5
«Taqeʼqo saʼ xtzuulul li Qaawaʼ [Jehobʼa]»
2:2, 3
«Chiruhebʼ li kutan chaalel» |
Li kutan li wanko wiʼ. |
«Li tzuul wan wiʼ li rochoch li Qaawaʼ» |
Aʼan li tzʼaqal paabʼal bʼarwiʼ naqaloqʼoni li Jehobʼa. |
«Chixjunilebʼ li tenamit teʼchalq aran» |
Ebʼ li wankebʼ saʼ li tzʼaqal paabʼal wankebʼ saʼ junajil. |
«Kimqex ut taqeʼqo saʼ xtzuulul li Qaawaʼ» |
Ebʼ li tzʼaqal aj paabʼanel nekeʼxbʼoq li poyanam chi tzʼaqonk rikʼinebʼ. |
«Aʼan tixkʼut chiqu kʼaru li rajom ut laaʼo tqataaqe li bʼe sikʼbʼil ru xbʼaan» |
Rikʼin li Raatin, li Jehobʼa nokooxtzol ut nokooxtenqʼa chi wank joʼ nawulak chiru. |
2:4
«Moko teʼxkawresi ribʼ re yalok» |
Laj Isaias naxye chanru xeʼkanaak ebʼ li chʼiichʼ re yalok choʼq reqaj li kʼanjelobʼaal re awk, re xkʼutbʼal naq li xtenamit li Yos twanq saʼ tuqtuukilal. Bʼar wank ebʼ li kʼanjelobʼaal aʼin kiʼoksimank saʼ xkutankil laj Isaias? |
«Teʼxsutqʼisi ebʼ li qʼesnal chʼiichʼ choʼq piklebʼ chʼochʼ» |
1 Li piklebʼ chʼochʼ aʼan li kʼanjelobʼaal re xwaklesinkil li chʼochʼ. Wankebʼ yiibʼanbʼil rikʼin chʼiichʼ (1Sa 13:20). |
«Li xjutzʼ chʼiichʼebʼ teʼkanaaq choʼq setlebʼ kʼim» |
2 Li setlebʼ kʼim maare jun perel chʼiichʼ jwal qʼes ut wank ruqʼ. Kiʼoksimank re xsaabʼesinkil xtoonal li uubʼ (Isa 18:5). |