«Waayeʼin arin [...]. Taqlahin»

Us naq tqakʼam qe rikʼin li xchaabʼil naʼlebʼ laj Isaias. Kixkʼutbʼesi naq wank xpaabʼal ut saʼ junpaat xkoho bʼarwiʼ naʼajmank usta inkʼaʼ naxnaw chanru tixbʼaanu (Isa 6:8). Ma tatruuq laaʼat ut laajunkabʼal xkanabʼankil chixjunil re naq texruuq chi kʼanjelak bʼarwiʼ naʼajmank aj puktesinel chirix li Xʼawabʼejilal li Yos? (Sl 110:3, TNM). Abʼanan re xbʼaanunkil aʼin, aajel ru naq xbʼeenwa twanq xkʼoxlankil chiʼus (Lu 14:27, 28). Abʼan, tento naq t-alaaq saʼ qachʼool xkanabʼankil chixjunil re xik xpuktesinkil li chaabʼil esilal (Mt 8:20; Mr 10:28-30). Joʼ naxkʼut li bʼideo Nos mudamos para ayudar en otro lugar, ebʼ li osobʼtesink li naqakʼul xbʼaan kʼanjelak chiru li Jehobʼa naabʼal wiʼ chik chiru li naqakanabʼ.

NAQ AK XʼILMANK RIX LI BʼIDEO, TEESUME EBʼ LI PATZʼOM AʼIN:

• Kʼaru kixbʼaanu li junkabʼal Williams re naq teʼkʼanjelaq saʼ Ecuador?

• Kʼaru xeʼril xbʼeenwa re naq teʼxnaw bʼar teʼxik chi tenqʼank?

• Kʼaru ebʼ li osobʼtesink xeʼxkʼul?

• Bʼar tqataw xkomon qanaʼlebʼ re xnawbʼal chirix li kʼanjelak bʼarwiʼ naʼajmank?

NAQ TEELOQʼONI LI YOS JOʼ JUNKABʼAL, TEETZʼIL AʼIN:

• Kʼaru tqabʼaanu joʼ junkabʼal re xkʼebʼal xtzʼaqobʼ li puktesink? (km-S 8/11 perel 4-6.)

• Wi inkʼaʼ tooruuq chi xik saʼ jalan chik naʼaj, chanru tooruuq chi tenqʼank saʼ li qachʼuut? (w16.03-S perel 23-25.)