XCHAQʼALIL RU LI RAATIN LI YOS | MATEO 20, 21
«Ani naraj naq nimaq xwankil saʼ eeyanq, aʼanaq laj kʼanjel cheru»
Ebʼ laj qʼetqʼet aj Tzʼiibʼ ut ebʼ laj Pariseey jwal keʼwulak chiru naq teʼileʼq ut teʼkʼeheʼq xsahilebʼ xchʼool saʼ li «kʼayiil».
Ebʼ laj qʼetqʼet aj Tzʼiibʼ ut ebʼ laj Pariseey jwal nekeʼraj naq teʼkʼeheʼq xwankil ut teʼileʼq xbʼaanebʼ li junchʼol (Mt 23:5-7). Li Jesus jalan xnaʼlebʼ. «Li Kʼajolbʼej moko xchalk ta chi kʼanjelaak ru, re bʼan kʼanjelak» (Mt 20:28, Li Santil Hu, Sociedad Bíblica de Guatemala, [SBG]). Ut laaʼo? Ma naqakʼe qachʼool chi xsikʼbʼal li xkʼanjel li Yos li tixkʼe qawankil malaj qaloqʼal? Re naq li Jehobʼa tixkʼe qawankil, tento tqakʼam qe rikʼin li Jesus ut tqakʼe qachʼool chi xtenqʼankilebʼ li junchʼol. Naabʼal sut, li bʼaanuhom aʼin inkʼaʼ naʼilmank, kaʼajwiʼ li Jehobʼa naʼilok re (Mt 6:1-4). Kʼaru ebʼ li kʼanjel naxbʼaanu li naxkubʼsi ribʼ?
Natenqʼank chi xsaabʼesinkil ut chi xyiibʼankil li Chʼutlebʼaal Kabʼl.
Naxsikʼ chanru xtenqʼankil ebʼ li tiix ut ebʼ li junchʼol chi hermaan.
Nakʼehok tumin re xtenqʼankil li kʼanjel chirix li Xʼawabʼejilal li Yos.